Euskara bizirik dago, guztiona da, eta kalean entzutea nahi dugu, etxean... eta baita lantokian ere! Horregatik, beste behin ere bat egiten dugu Euskaraldiaren edizio berri honekin. ESK Euskaraldiarekin bat!

« Ez dago perfektu jakin beharrik, ezta izugarrizko maila izan beharrik ere;  garrantzitsuena pausoak ematea da , txikiak edo handiak »

Euskara bizirik dago, guztiona da, eta kalean entzutea nahi dugu, etxean... eta baita lantokian ere!

Horregatik, beste behin ere bat egiten dugu Euskaraldiaren edizio berri honekin, euskaraz gehiago hitz egitera gonbidatzen gaituena, gustura entzutera, eta euskara erabiltzea naturala izango den giroak sortzera.

Ez dago perfektu jakin beharrik, ezta izugarrizko maila izan beharrik ere. Garrantzitsuena pausoak ematea da, txikiak edo handiak. Ahobizi izatea, belarriprest egotea, edo, besterik gabe, erabiltzen duenari laguntzea. Denak kontatzen du.

ESK-tik parte hartzera animatzen dugu, probatzera, erratzera... eta prozesuaz gozatzera! Izan ere, euskara defendatzea gure eskubideak, gure nortasuna eta komunikatzeko modu aberatsagoa eta pluralagoa defendatzea ere bada.

Beraz, badakizu: etxean, autobuseko geltokian, tabernan edo lanean… euskaraz bizi!

ESK Euskaraldiarekin bat!