Gaur goizean Jaurlaritzako Osasun Batzordean, Darpon jauna, Osasun kontseilariaren agerraldiaren harira ESK sindikatuak zera adierazi nahi du:

Erabat harritzen gaitu hain “sakona” izan den ikerlana eta gero departamenduakazterketa ereduan edo zuzenketa ereduan soilik akatsak izan direla ondorioztatzea. Duela hilabete bat baino gehiago gure sindikatuak mahai gainean jarri zituen Osakidetzako EPEan egondako ustezko bidegabekeriak zein azterketen filtrazioa. Geroztik Osakidetzako zuzendariek datu hauek ezeztatu eta salaketa aurkeztu zutenen kontra aritzea baino ez dute egin, haien ardura bere gain hartu eta dimisioa aurkeztu beharrean.

ESK sindikatuak ezin du ontzat hartu salatutako EPE horretan tribunaleko kideak izan ziren pertsona berberak burututako ikerlanik. Guretzako ikerlan honek ez du zilegitasunik eta burutu aurretik esaten genuen bezala, honek helburu bakarra zuen; Osakidetzaren zuriketa eta kopla-burukoak topatzea. Azken hau argi utzi dute azterketa errepikatzearen erabakiarekin.

Iruzurraren seinaleak direla eta Darpon jaunak espediente berriak ireki behar izan ditu (digestio aparatuan, medikuntza intentsiboa, traumatologia eta urologia) baina ESK sindikatuak argi du; Osasun Sailak eta Osakidetzak ez dute zilegitasunik inolako ikerketa lana egiteko.

Ikusi dugun agerraldian Darpon jaunak, eskujokari paregabea izanda, datuen nahaspilatu baino ez ditu eman; balorazioak, emaitzak … edozein gauza bere ardura ez onartzeko eta erabaki posible bakarra ez hartzeko, hau da, Mujika anderea eta bere dimisioa ez aurkezteko.

Azkenik ESK sindikatuari erabat garrantzitsua iruditzen zaio kontuan izan behar dugula guzti hau kutsatutako eredu bati erantzuten diola eta gure asmoa hain zuzen ere eredu hauek guztiz iraultzea dela eta horren alde borrokan jarraituko dugu. Eredu berri bat non gardentasuna, berdintasuna, meritua, gaitasuna eta publikotasuna lehentasuna izaten duen.

 


Osakidetzako langileen baldintza berak azpikontratatutako langileontzat

Osakidetzako langileei aplikatzen zaizkien baldintza berberak aplikatzea aldarrikatzen ari gara, hori baita bere garaian alderdi guztiek adostu genuena eta betetzen Irakurri

Zertan ari dira?

Osakidetzako mahai sektorialeko sindikatuek ESK baztertu dute hauteskunde sindikalak bultzatu ditugulako, langileek ordezkariak aukera ditzaten 10 urte baino gehiago hauteskunderik Irakurri

Osasun Publikoaren defentsan, batasuna

Batasunatik lan egin dezagun gure Osasun Publikoaren defentsan. Osakidetzako langileak, gizarte-erakundeak eta, oro har, herritarrak otsailaren 25eko manifestazioetan parte hartzera Irakurri

Garraio sanitarioak lan-baldintzak eta kalitatezko zerbitzua bermatu behar ditu

Euskal osasun-garraioa kudeaketa publikokoa izatea eskatzen dugu; bitartean, plantillen lan-eskubideak eta zerbitzuaren kalitatea bermatzeko eskatzen diogu Osakidetzari. Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29