ESK sindikatuak bat egiten dugu Elikagaien Merkataritzako Hitzarmenaren greba-deialdiarekin eta planteatzen den beste edozein mobilizaziorekin ere, gure Hitzarmena defendatzeko eta sektoreko pertsona guztien lan-baldintzak duintzeko bidean.

« Beharrezkoa da  KPIa bermatzea eta antzinatasuna berreskuratzea  pobretzen ari digun prezioen igoera konpentsatzeko »

ESK-rentzat beti izan du lehentasuna Hitzarmen Probintziala defendatzea, sektoreko langile guztientzat baldintza duinak bermatu ahal izateko. Eskubide gehiago eta lan-baldintza hobeak dituen Hitzarmen Probintzialak erreferentzia izan behar du sektoreko enpresa guztietan.

ESK-tik soldata igoera eskatzen dugu, erosteko ahalmena bermatuko diguna. Beharrezkoa da KPIa bermatzea eta antzinatasuna berreskuratzea uneko urteko taulak oinarri izanda. Prezioen neurrigabeko igoera pobretzen ari zaigu, enpresak aberasten ari diren bitartean. KPIaren gaineko soldata-igoerak eskatzea funtsezkoa da aberastasuna modu bidezkoago batean birbanatzeko.

ESK-n lanaldia nabarmen murriztearen aldeko apustua egiten dugu. Asteko 35 orduetarantz aurrera egitea funtsezkoa da bost laneguneko astea aldarrikatzeko eta larunbata atseden-egun gisa izateko. Lana eta bizitza pertsonala hobeto uztartzeko, premiazkoa iruditzen zaigu Gobernuak onartutako azken kontziliazio-neurriak sartzea eta maiatza oporren nahitaezko aldi gisa ezabatzea.

Greba eta mobilizazioak

Orain, inoiz baino gehiago, indarrak batu behar dira mobilizazioan. Patronalak Elikagaien Merkataritzako langileen aldarrikapenak serioski hartu behar ditu. Patronalak ez digu inoiz ezer oparitu. Mobilizazioa eta greba beti izan dira, eta izaten jarraitzen dute, gure eskubideak defendatzeko eta eskubide berriak eskuratzeko tresnarik onena.

ESK sindikatutik sektoreko sindikatuek deitutako mobilizazioetan eta bi greba egunetan parte hartzera animatzen zaituztegu.

• Martxoak 15: 11:00etan HERCI Distribución (Bolueta).
  
  
• Martxoak 22: 12:00etan PRIMA PRIX (Santutxu).

Martxoaren 27 eta 30ean denok grebara!

Guztiok batera indartsuagoak gara! Borroka da bide bakarra!