Negoziazioaren egoerari buruzko argibide batzuk uzten dizkizuegu, patronalak bere sasi-egiekin eta kontu faltsuekin engaina ez gaitzan. Abenduaren 14ko kontzentrazioan eta 21 eta 28ko grebetan parte hartzera animatzen dugu.

 

« Patronalak sektoreko  prekarietatearekin amaitzeko proposamen bat  ekartzen ez badu, ez da hitzarmenik egongo »

 

Mahaian parte hartzen ari garen lau sindikatuon hausnarketa bateratua helarazi nahi dizuegu, negoziazioaren egoera argitzeko eta patronalak sasi-egiekin eta kontu faltsuekin engaina ez gaitzan.

 

Bermatu beharreko gutxieneko edukiak

 

Azken orduan (hausnarketa bateratua idatzi ondoren) Gizardatzek fitxa mugitu du eta mahai sektorialeko bilera batera deitu gaitu. Bertan, eskatu bezala, proposamen ekonomiko eta lan-baldintzei buruzko proposamen berri bat egiteko konpromisoa hartu dute. Bilera ostegun honetan, hilak 14, izango da.

Orain, inoiz baino gehiago, garrantzitsua da tentsioari eustea mobilizazioen bitartez. Dei egiten dizuegu guztioi Bilboko LHKren aurrean egingo den elkarretaratzean parte har dezazuen. Elkarretaratzea mahai sektorialeko bilerarekin kointzidituko du: abenduak 14, osteguna, 15:00etan.

Argi eta garbi esan behar diogu patronalari: sektoreko prekarietatearekin amaitzeko proposamen bat ekartzen ez badute, ez dela hitzarmenik egongo.

 

 

 

Bermatu beharreko gutxieneko edukiak

Negoziazio-mahaiaren 27 bilera egin ostean eta hitzarmenik gabe bi urte daramagunean Gizardatz eta Geroan patronalek, Bizkaiko Foru Aldundiaren, EUDELen eta Bizkaiko udalen oniritziarekin, Esku-Hartze Sozialeko Lan Hitzarmenaren negoziazioa blokeatu dute. Erabaki hori jarrera arduragabea da.

Gizardatz eta Geroan enpresak Herri-Administrazioen esanetara jokatzen dute, eta ez dira gauza akordiora hurbiltzeko proposamen bat egiteko. Guk duela hainbat hilabetetik hona galdegin izan diegu proposamen hori egiteko; izan ere, urriaren 10ean izan zen bilerara ekartzekotan geratu ziren.

Bi urte dira batzarrak egiten ari garela, baina Gizardatz eta Geroan ez dira hurbildu sektoreko langileen gutxieneko aldarrietara. Oso larria deritzogu patronalek beren gaitasun eza ezkutatu nahi izatea desadostasuna langileei leporatuz. Sindikatuon aldetik akordiora iristeko borondatea argia da (edozertaz mintzatzeko prest agertu gara, beti ere gutxienez egindako aldarriak bermatuko dituen marko baten baitan), baina honez gero zalantzan gaude patronal hauek behar besteko ardura izango ote duen.

Horregatik, eta duela hainbeste hilabete helarazi genien gutxieneko proposamenak onartzen ez dituzten artean, aurrera egiteko modurik ez dago.

Gure iritziz hitzarmen hau negoziatzen ari garelarik inoiz baino areago gure lana aitortzea da gakoa, hau da, eskaintzen dugun zerbitzu publikoa aintzat hartu beharra. Pandemia osteko gure lehen Hitzarmena izango da; herri-administrazioen kutxetan azken urteetan bildu diren diru kopururik handienak ari dira sartzen. Haatik, Esku-Hartze Sozialeko langileoi zor zaigun aitortzarik ez digute eman nahi. Eta honen erantzukizuna sektoreko enpresa eta patronalek ez ezik Herri-Administrazioek ere badute: Udal, Mankomunitate eta Bizkaiko Foru Aldundiaren gain datza batik bat egoera honen ardura.

Gauzak horrela, dokumentu hau egin dugu aurrera egitekotan bermatu beharreko gutxieneko edukiak azaltzeko eta blokeoak dakarren egoeraren berri emateko.

 

Bermatu beharreko gutxieneko edukiak

 

3 barau-egun eta greba-egun 1 Bizkaiko esku-hartze sozialaren sektorean

Gaur hiru eguneko baraualdia hasi da Bizkaiko Foru Aldundiaren aurrean, eta apirilaren 17an greba-eguna deitu dugu Bizkaiko esku-hartze sozialeko sektore Irakurri

Bizkaiko Esku-hartze Sozialeko patronala mugiarazteko proposamena eta mobilizazioak

Gizardatz, Esku-hartze Sozialeko Hitzarmen Kolektiborako akordioa eragozten ari da, eta hura osatzen duten erakundeetako batzuk akordiorako edozein hurbilketa eragozten ari Irakurri

Mobilizazio berriak Bizkaiko Esku-hartze sozialan

Martxorako eta apirilerako mobilizazio gehiago iragartzen ditugu. Mobilizazioak bakarrik ahalbidetuko digu patronala eta erakundeak mugitzea eta 2021etik hitzarmenik gabe jarraitzen Irakurri

CEAReko langileek lanuzteak eta mobilizazioak hasi dituzte

CEAReko langileek lanuztea egin dute eta kalera atera dira Zuzentarauarentzat soilik soldata igotzeak dakarren diskriminazioaren aurka protesta egiteko eta Esku-hartze Irakurri
  • 1
  • 2
  • 3
  • 4
  • 5
  • 6
  • 7
  • 8

 

Palestinarekin elkartasuna

Afiliazioa sindikatua