Greba areagotzen dugu Eusko Jaurlaritzako Lan Sailburuordetzarekin negoziatzen ari garenean, besteak beste 2012-2022 Karrera Profesionalaren atzerapenak negoziatzea baitago jokoan.
« Enpresek eta Osakidetzak plantillen presioa sentitzea beharrezkoa da gure helburuak lortu ahal izateko »
Gaur, apirilak 14, LAB, UGT, CCOO eta ESK-k osatutako gehiengo sindikalak beste greba deialdi bat erregistratu du sektorean. Zehazki, 3 asteko greba-deialdia da, apirilaren 26tik maiatzaren 16ra.
Une erabakigarri batean sartzen ari garela ulertzen dugu. Eusko Jaurlaritzako Lan Sailburuordetzarekin negoziazioa blokeatzen duten gai nagusietako bat jorratuko dugu hurrengo asteetan: karrera profesionala.
Karrera profesionalaren atzerapenak
Negoziazio zaila izango da, eta, besteak beste, aurreko karrera profesionaleko deialdietan (2012-2022) oinarrituta dagozkigun atzerapenak negoziatuko dira.
Alde horretatik, beharrezkotzat jotzen dugu prozesu horretan enpresek eta Osakidetzak plantillen presioa sentitzea, gure helburuak lortu ahal izateko.
Denboran luzatzen ari den gatazka batean murgilduta gaude, baina uste dugu, azkenean, une erabakigarri batean gaudela, eta asko dugula jokoan.
Horregatik, Osakidetzaren borondatea makurrarazteko, martxoan zehar egin dugun bezala, borrokan tematzeko deia egiten dugu. Langile bakoitzaren ekarpena funtsezkoa da.
Homologazioa ez da ukitzen!
LAB, UGT, CCOO, ESK
EAE-ko garbiketa eta jantokietako greba
3 eguneko greba mugagabearen ondoren, akordioa Kursaaleko garbiketa-zerbitzuan
ESK-k Bizkaiko garbikuntza sektoreko grebetan parte hartzeko deia egin du
Bizkaiko garbikuntza: murrizketarik gabeko eta prekarietatearekin amaituko duen hitzarmena orain!
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
Ametsak borrokatuz!