Arabako metalak hitzarmen duina behar du, eta SEAren immobilismoaren aurrean, ELA-CCOO-LAB-USO-ESK-CGT sindikatuek 3 greba egun erregistratu ditugu maiatzaren 18, 24 eta 26rako.

«  La patronal no presenta  ninguna propuesta  de bajada de jornada, ni de subrogación y ni habla de mantener el poder adquisitivo »

Arabako metalaren negoziazioak hainbat urte daramatza inolako aurrerapenik gabe, denbora honetan guztian SEAk inmobilismoa besterik ez du eskaini. Joan den apirilaren 12ko bileran, greba-deialdiaren berri izan ondoren, patronalak berriro eskatu zuen sindikatuok mugitzea. Bitartean, patronalak ez du lanaldia jaisteko proposamenik aurkeztu, ezta subrogaziorik ere, eta ez du mateleko langileentzako erosteko ahalmenari eusteaz edo beste lan-baldintza batzuk hobetzeaz hitz egiten.

Horren aurrean, gogorarazi nahi dugu ELA-CCOO-LAB-ek iazko abenduan akordio batera iritsi ginela negoziazioak eta ekintza sindikalak bultzatzeko, Arabako Metalaren Hitzarmen Kolektibo duin bat izatera iristeko. Ondoren, USO-ESK-CGTk bat egin zuten aldarrikapen taula argi batekin, baina oraindik ez du erantzunik jaso SEAren aldetik.

SEAren posizioa mugitu

Orain arte mobilizazio ugari egin ditugu, metalaren hitzarmen duin baten aldeko milaka sinadura biltzen ari gara, eta orain grebetara goaz SEA geldirik mugitu behar izateko, edozein aitzakia alde batera utziz eta sektoreak dituen arazoei erantzun argiak emanez.

Ildo horretan, greba horietarako aldarrikapen nagusiak honako hauek direla azpimarratu nahi dugu:

• KPIaren gaineko soldata-igoerak, 1400 euroko gutxieneko soldatarekin, 14 ordainsaritan.
  
  
• Lanaldia nabarmen jaistea
  
  
• Azpikontratetako langileentzako subrogazioa
  
  
• Kontratazioko iruzurraren aurkako neurriak
  
  
• Behin-behinekotasuna eta malgutasuna mugatzea
  
  
• Benetako berdintasun eraginkorra lortzeko neurriak
  
  
• Lan-osasuna bermatzeko neurriak
  
  
• Baimenak hobetzea eta pertsonak zentroan jartzen dituzten beste lan-baldintza batzuk
  
  
• Hitzarmena aplikatzeko bermeak: ultraktibitatea, alde bakarreko ez aplikatzea eragoztea eta aplikatzeko lehentasuna ematea.

Maiatzak 18, 24 eta 26 Arabako metala grebara

6 sindikatuok egiten dugu 3 eguneko greba-deialdi hau, baina Arabako metalgintzako langile guztiei egiten diegu bat borroka egun hauekin, sektorean lan-baldintza duinak lortzeko.

Beraz, Arabako Metalaren Sektorea deitzen diogu, lehenik eta behin maiatzaren 18an eta, ondoren, 24an eta 26an, grebak egin, ekoizpena eten eta kalera atera dadin deituko ditugun mobilizazioetan parte hartuz, hori guztia sektorean lan-baldintza duinak lortzeko.