Europar Batasunak onartzen du Espainiako Estatuak diskriminatu egiten dituela etxeko eta zaintzako langileak, ez baitie langabezia-prestazioa aitortzen.

« Etxeko eta zaintzako langileen erregimen berezia  ezabatzeko  garaia da »

Berriz ere frogatuta geratu da legeek, baita lan-legeek ere, emakumeak diskriminatzen dituztela.

Otsailaren 24an jakin dugu Europar Batasuneko Justizia Auzitegiak (EBJA) ondorioztatu duela Espainiako Estatuak diskriminatu egiten dituela etxeko eta zaintzako langileak, langabezia-prestazioa ukatzen dielako.

EBJAk zehazten du langabezia-prestazioa ez aitortzeko praktika hori gizarte-segurantzaren arloko berdintasunari buruzko Zuzentarauaren aurkakoa dela. EBJAk ondorioztatu du langile horiek desabantaila egoeran daudela gainerako sektoreekiko, eta hori ez dagoela justifikatuta faktore objektiboekin.

Régimen Especial de las Trabajadoras de Hogar y de Cuidados

ESK-k urte asko daramatza salatzen sektore horri bakarrik ukatzen zaizkiola gainerako langileentzat jada onartuta dauden eskubideak.

Orain da garaia etxeko langileen langabezia-eskubidea ahalik eta lasterren onartzeko lan araudian. Era berean, bada garaia etxeko eta zaintzako langileen erregimen berezia ezabatzeko hasiera hori izan dadila eskatzeko, eskubideetan gainerako sektoreekin berdinduz, hainbatetan aldarrikatu dugun bezala.

Ziur gaude elkarrekin borrokatuz onartuko direla bai oinarrizko langile horien eskubideak, bai zainketa-lanak. Bada garaia zainketa-lanak behingoz aitortzeko eta zainketa-sistema publiko bat bultzatzeko, pertsona guztiak zaindu ahal izango direla eta sektoreko langileen eskubide guztiak bermatuko direla bermatzeko.