Maiatzaren 29an, larunbata, pentsio publiko, duin, justu eta nahikoen aldeko manifestazioetan parte hartzeko deia egiten dugu.

 

Maiatzak 29 pentsio `publiko duinen aldeko manifestazioak

 

Hiru urte pasa dira jadanik pentsionisten mugimenduak Euskal Herriko kaleak okupatu zituztenetik. Hiru urte zeinetan etengabe, astelehenero, gure herrietako plazak betetzen dituztela.

 

Pentsio publiko, duin, bidezkoak eta nahikoak

Maiatzaren 29an, beste behin ere, pentsionisten mugimendua kalera aterako da guztiontzako pentsio duinak aldarrikatzeko. Pentsionisten mugimenduak, ESK sindikatua bezala, oso argi du, momentu honetan, lortutako aurrerapauso guztiak arriskuan daudela eta guztiz beharrezkoa da, orain inoiz baino gehiago, erantzun tinko bat ematea, estutzen jarraitzea ez bakarrik eskubideak ez galtzeko baizik eta beste hainbat eskuratzeko. Hau da pentsio publiko, duin, bidezkoak eta nahikoak bermatzeko unea.

ESK sindikatuak, pentsioen defentsan hilaren 29an pentsionisten mobilizazioekin bat egiten du eta beste hainbat sindikatuekin mobilizatuko gara datorren maiatzaren 24ean pentsionisten aldarrikapenak bultzatzeko.

 

1.080€-ko gutxienezko pentsioa

Bai Euskal Herriko pentsionisten mugimendua, bai honetan parte hartzen duen ESK-ko militantzia behin eta berriz, pentsioen sistema publikoa eta gutxienezko pentsio 1.080€-tan ezartzea aldarrikatu du. 1.080€-ko gutxienezko pentsioak bide batez pentsioetan dagoen jenero arrakalarekin ere bukatuko luke. Gaur egun jenero arrakala hau %30ean dago eta hau guztiz onartezina da. Aldarrikapen hauei, gobernuek, ez diete jaramonik egin. Guzti hau gutxi balitz Europako diruak beste behin ere pentsioak baldintzatzeaz gain arriskuan ere jartzen ditu.

 

Bakarkako EPSV zein kolektiboei, ez!

Sistema publikoaren kontrako erasoek norberak pentsio pribatuetara jotzea dute helburu (Bakarkako EPSV zein kolektiboak). Etengabe krisian dagoen sistema kapitalista batean botere ekonomikoen helburua gure erretiroekin negozioa egitea da.

Egoera hau izanda ESK sindikatuak oso argi du, estutzeko garaia da, gure pentsionisten borroka babesteko ordua haiekin bat eginez bai, baina baita ere guztiontzako pentsio eta bizi duinak eskuratzeko garai bada ere.

 

Maiatzak 29 mobilizazioak

  • Gasteiz 17:00 h. Artium
  • Donostia 17:00 h. Alderdi Eder
  • Bilbo 17:30 h. Moyua
  • Iruñea 18:00 h. Baluarte

 

Pentsio publiko duinak guztiontzat!

 

Pentsio publikoen aldeko bizikleta martxa

ESK-k Euskal Herriko Pentsiodunen Mugimenduak ekainaren 13tik 25era bitartean Euskal Herriko txoko guztiak zeharkatuko dituen 1. bizikleta martxa babesten du. Irakurri

4 urte geroago pentsioak kaleetan defendatzen jarraitzen dugu

Gehiengo sindikalak urtarrilaren 15eko Euskal Herriko Pentsiodunen Mugimenduaren mobilizazioetan parte hartzeko deia egin du, mobilizazioak hasi zirenetik lau urte betetzen Irakurri

Mobilizazioak lan eta pentsio erreforma honen aurka

Dei egiten diegu gizarte-mugimendu guztiei gurekin bat egin dezaten eta elkarrekin lan egin dezagun abenduaren 1eko mobilizazioa ahalik zabal eta Irakurri

Sasi-erreformen aurrean ORAIN erantzuteko garaia da

Lan eta pentsio erreformen edukiak modu erabakigarrian baldintzatzeko adinako indar-korrelazioa dago Diputatuen Kongresuan. Aukera hau ezin dugu galdu. Azaroaren 17an Irakurri
  • 1
  • 2
  • 3
  • 4