Aiaraldeko hainbat eragile sozial, sindikal eta mugimendu sozialek lanuztera eta mobilizatzera dei egiten dugu ekainaren 2an, eskualdearen etorkizunaren alde.

Aiaraldearen egoera kezkagarria da gaur egun, enpresen itxierak, kaleratzeak, lan-baldintzen prekarizazioak eta eskualde honen aldeko apustu argi eta irmoaren konpromiso instituzional ezak eraginda. Etorkizunik gabe geratzen ari gara.

Gaurko ekitaldian aldarrikatu dugun bezala, sareak ehuntzen ari dira eragile sozial, sindikal eta Aiaraldeko hainbat mugimenduren artean (enpresa-batzordeak, euskal gehiengo sindikala, gazteak, mugimendu feminista, pentsiodunak, merkataritza eta ostalaritza, hezkuntza, zerbitzu publikoak... besteak beste). Horregatik, eskualde gisa erantzuteko deia egiten dugu, eta gaur "eskualdeko fronteak" bide berri bati ekiten dio etorkizunari begira.

Ekainak 2, lanuztea eta mobilizazioa

Zentzu horretan, lanuztea orain arte egindakoaren pausu handi eta logiko bat da eta etortzear dagoen guztiaren urrats berria. Indar-erakustaldia egingo dugu, eta sektore eta mugimendu horiek guztiak bat eginda mobilizazio-egunean parte hartzeko eta egun horretarako deitutako manifestazioetan parte hartzeko deia egiten dugu.

"SOS Aiaraldea" lelopean, 4 orduko lanuztea deitu da ekainaren 2rako (asteazkena), 10:00etatik 14: 00etara, sektore guztietan, saltokietan eta ostalaritzan izan ezik; izan ere, egun horretarako deitutako manifestazioetan negozioak itxiko dituzte eta protesta bisualak egingo dituzte haien erakusleihoetan.

2 manifestazio izango dira:

• Lehenengoa 11:00etan Laudioko Herriko Plazatik.
• 19:00etan Amurrioko Herriko Plazatik.

Aiaraldea larrialdi egoeran dago. Defenda dezagun gure etorkizuna.

#SOSaiaraldea