Mobilizazio berriak aurkeztu ditugu. Jaurlaritzak eta euskal alderdi politikoek enplegu publikoa sendotu eta sortzeko beharrezko pausoak eman eta zerbitzu publikoak indartu arte jarraituko dugu.

ELA, LAB, CCOO, SATSE, ESK eta STEILAS sindikatuok EAEko sektore publiko osorako deitutako mobilizazioei eta apirilak 22ko grebaren buruzko oso balorazio positiboa egiten dugu.

Milaka langile publikori greba-eskubidea ukatzen zieten gutxieneko zerbitzuak ezarri eta pertsonen mugikortasuna asko baldintzatzen zuen pandemia egon arren, 18.000 langilek baino gehiagok parte hartu zuten EAEko hiru hiriburuetan deitutako manifestazioetan.

Jaularitzako hitz hutsak

Ez dugu balorazio bera egiten Eusko Jaurlaritzak, erakundeek eta alderdi politikoek sindikatuek eta mobilizazioetan aktiboki parte hartu zuten euskal sektore publikoko milaka langilek egindako eskaerei emandako erantzunari buruz.

Eusko Jaurlaritzak, propaganda-adierazpenak alde batera utzita, ez du benetako urratsik egin euskal sektore publikoko 60.000 langile baino gehiago eta, Europako behin-behinekotasun ranking altuenaren lehen tokian dagoen bitartean, pribatizazioaren aldeko apustuarekin jarraitzen du.

Eskasa eta baztertzailea

Eusko Jaurlaritzak, Eusko Legebiltzarrean, Kidegoen eta Eskalen Lege Proiektuan sartutako proposamen baten alde egiten jarraitzen du. Proposamen hori ez da nahikoa, eta behin-behinekotasunaren gaitza pairatzen duten langile gehienak kanpoan uzten ditu. Eta ez Mahai Orokorrean, ez mahai sektorialetan, ez du borondaterik agertzen enplegu publikoa finkatzeko bidean aurrera egiteko.

Gainerako erakundeei eta euskal alderdi politikoei dagokienez, egun ez dugu benetako proposamenik ikusten hemen, gure herrian, zein zerbitzu publiko nahi eta behar ditugun erabakitzeko, eta euskal enplegu publikoa finkatzeko.

Egoera horren aurrean, grebara deitu dugun sindikatuok berehala eskatuko ditugu bilerak Eusko Jaurlaritzarekin, Eudelekin eta euskal alderdi politikoekin; haien esku dagoelako, eta ez beste batzuetan, zerbitzu publikoak indartzea eta behin-behinekotasunaren gaitza pairatzen duten 60.000 langile baino gehiagori enplegua sendotzea.

Mobilizazio gehiago

Horrekin batera, hemen gauden sindikatuok helburu hori lortzeko beharrezkoak diren mobilizazioak eta greba egunak bultzatzen jarraituko dugu. Hori dela eta, datozen asteetarako honako mobilizazio hauek adostu ditugu.

• Maiatzaren 25a manifestazioa-mobilizazioa Gasteizen.

• Ekainaren 1a kontzentrazioak EAEko sektore publiko osoko lantokietan.

• Ekainaren 5a manifestazioak Donostian, Bilbon eta Gasteizen.

ELA-LAB-CCOO-SATSE-STEILAS ESK