Ez dugu onartzen inolako gertakari edo eraso matxistarik gure borrokaguneetan, joan den maiatzaren 18an Mercedes enpresako informazio-pikete batean gertatu zen bezala.

 

Eraso matxista Arabako metalako greban

 

« Queremos que el ámbito de la lucha sea también  un espacio seguro  para las mujeres »

 

Arabako Metalaren grebaren testuinguruan, maiatzaren 18an, Mercedes enpresako pikete informatibo batean eraso matxista bat gertatu zen. Piketean zegoen gizon batek keinu eta iruzkin sexualak egin zizkion bere lanpostuan zegoen emakume langile bati.

Gertaera honen aurrean, ELA-CCOO-LAB-USO-ESK-CGT sindikatuok gure erabateko gaitzespena adierazi nahi dugu. Gure ustez, ez da egoera isolatu baten edo jarduera indibidual baten ondorio soila, emakumeek jasaten duten egiturazko indarkeriaren ondorio ere bada.

 

Berdintasunaren bide luzea metalaren sektorean

Lan handia dugu egiteko Metalaren Sektoreko berdintasunaren alorrean. Era berean, garatzen ari garen borrokaren esparrua emakumeentzako gune segurua izatea nahi dugu.

Horregatik guztiagatik, aipatutako sindikatuok konpromiso hauek hartzen ditugu:

  • Gure borroka-guneetan inolako gertakari edo eraso matxistarik ez onartzea, eta detektatzen baditugu, horiek egiten ari den pertsona edo pertsonak kanporatzea.

  • Mobilizazioetan egoera eta jokabide matxistak antzemateko mekanismoak jartzea, eta sindikatuetako arduradunek beren gain hartzea gerta daitezkeen gertaerak edo egoerak jasotzeko eta dagozkien neurriak hartzeko konpromisoa.

  • Emakumeek baldintza berdinetan parte hartzea bermatuko duten espazioak sustatzea. Haien ekarpenak, iritziak edo jarduerak ikusezinak ez direla bermatzea.

  • Borroka hau aurrera eramaten ari diren langile guztiei hizkera edo adierazpen matxistak, LGTB-fobikoak eta abar ez erabiltzeko interpelatzea.

 

ELA-CCOO-LAB-USO-ESK-CGT

 

Soldata-arrakala, bide luzea oraindik ere

Otsailaren 22a, emakumeen eta gizonen arteko soldata-berdintasunaren aldeko eguna da Europan. Emakumeek aurrerapausoak eman arren, mugimendu feminista indartsu eta tinko Irakurri

Zainketa-sistema publikoa lortzeko abiaburua

Bestalde, zaintza sistema publiko eta komunitarioa aldarrikatzeko arratsaldeko manifestazioetan parte hartzea eskatzen diogu Euskal Herritar orori. Denon bizitzaz ari gara Irakurri

Indarrez abiatu da Greba Feminista Orokorra

Egun osoko mobilizazioetara batzeko deia zabaltzen dugu, zaintza zerbitzuen pribatizazioa salatu, zaintza langileen egoera kolapsatuekiko ardura exijitu, sistema publikoaren alde Irakurri

Azaroaren 30eko Greba Feminista Orokorrean parte hartzeko deia

Azaroaren 30ean zaintza eskubide kolektiboaren alde Euskal Herriko Mugimendu feministak bultzatutako Greba Feminista Orokorra deitu dugu hego Euskal Herrian. Azpimarratu Irakurri
  • 1
  • 2
  • 3
  • 4
  • 5
  • 6
  • 7
  • 8