Azken mobilizazio eta ESK sindikatuak eskatuta maiatzaren 7an Deba Garaiko ESIko Zuzendaritzarekin izandako bileraren ostean hainbat gertaera eman dira:

 
1. LARRIALDIAK.
Larrialdietako egoera kezkagarria dela-eta, erizain, erizaintzako laguntzaile eta jagoleen kopurua gehitzea lortu da 2018an. Lorpen bat da, ESK-k susperturiko borrokaren ondorioz.

2. BARNE MEDIKUNTZA ETA KIRURGIA.
Ohe eta gaixo gehiegi daude egungo erizain eta erizaintzako langileentzat. Langile gehiago exijitzen dugu, plantillaren dimentsionamendu zuzen baterako lan-kargen ikerketa objektibo batean sustatutako ikerketa, honetarako langileen arrisku psikosozialen ebaluaketa bat egitea proposatzen dugu.

3. DENETIK: PROTOKOLOAK, LANPOSTU HUTSEN ESKAINTZA, KARTELDEGIAK.
Jarduketa-protokoloak zerbitzu guztietan egitea eskatzen dugu, hutsik diren lanpostuen eskaintza era gardenaz egitea 2011 eta 20115eko mugikortasunerako dekretua
kontuan harturik.

Karteldegiak langileekin negoziatu egin behar dira, ez dago aitzakiarik karteldegiak inposatzeko. Urteko gehiegizko ordu bidegabeko kopurua ekiditu behar da, plantillen dimentsionamendu egokia kontuan hartuko duen kontratazio-politika bat eramanaz.

4. – EBAKUNTZA-GELAK.
ESK-k ez du ulertzen nola Arrasateko ospitaleak ebakuntza-gela onenetakoa izanik hain lan-karga gutxi duen, beste ospitaleak gainkargatzen ari diren bitartean, peonadak sortuz.

Hau gertatzen den bitartean, bertako plantilla ospitaleko gainontzeko arloetarako errefortzu sistematiko bezala erabiltzen da, ulergaitza. Zerbitzu eta unitate guztien babes egoki bat exijitzen dugu, langileen mugikortasun sistematikoa ekidituz.