Ohiko jarrerari eutsiz, gobernua sostengatzen duten alderdiak, EAJ eta PSE, ez dute inolako autokritikarik egin, inoiz ikusi ez diren kopuruetan dauden itxaron-zerrenden datu tamalgarriak direla eta.

Aurrekontu-partida handitzeak arazo guztiak konponduko dituela defendatzen dute, eta arazo horiek gizartearen aldaketa demografikoek eragindako eskariaren hazkundearekin bakarrik lotzen dituzte.

Gobernu-taldeak “txoke-plana” aipatu du, baina ez du eztabaida honetan aurkeztu; ez dugu haren eduki eta epeei buruzko informaziorik.

Talde osoak ez edukitzearen eta langileek ezarritakoa baino lanaldi txikiagoak izatearen garrantziaz hitz egin ere ez dute egin nahi, lan-kontu hutsa dela argudiatuz.

ESKrentzat hau funtsezko puntua da, eta Osatek-ek ematen duen arreta kaltetzeko asmoa argi eta garbi adierazten du; horrela, Erresonantzia Magnetikoak bideratzen zaizkien klinika pribatuak mesedetzen dira.

Eskerrak eman nahi dizkiogu Rebeka Uberari, arretaren kalitatea berreskuratzeko beharrezkoak diren antolakuntza-aldaketa defendatzeagatik, eta, ESKk defendarzen duen integrazioaren ideia Legebiltzarrera eramateagatik.

Era berean, eskerrak Jon Hernandezi, Osatezeko langileen alde egindako defentsagatik eta zerbitzua hobetzeko egindako apustuagatik.

Ekimena ez da aurrera atera, baina ideia dagoeneko iritsi da Legebiltzarrera eta ESK-k hori errealitate bihurtzeko lanean jarraituko du.