Zuzendari mediko Agirre jaunak bere eginkizunak bere gain hartzeak nabarmen okertu du zerbitzuaren funtzionamendua, eta langileen eskubideak urratu ditu, hala nola, Osakidetzako langileen lan-baldintzak arautzen dituen Akordioaren 28.2 artikulua ez betetzea, guardien gehieneko kopuruari dagokionez, edo 35. artikulua, lan-karteldegiak bi hilez behin nahitaez izateari dagokiona. Azkenik, Zerbitzu honetako langileak Akordio Arautzaile horretan jasotzen direnak baino guardia gehiago egitera behartzea egoera salbuespenezkoa dela aldarrikatuz. Ez dugu erantzunik jaso Asistentzia Zuzendaritzari jakinarazi zaionetik.
Lan-baldintzen etengabeko zapaltze jasanezin horren aurrean, eta horiei konponbidea emateko gai ez den Zuzendaritza baten entzun nahi ezaren ondorioz, Anestesiako Zerbitzuko langileek greba mugagabe baterako deialdia egitea erabaki dute, gure aldarrikapenak bete arte. Aldarrikapen horien helburua ez da soilik gure lan-baldintzak duintzea, sareko edozein ospitaletan lan egiten duten gainerako lankideenak ere duintzea baizik. Hona hemen lan baldintza horiek laburbilduta:
- Plantilla egokitzea, kontratu duinak dituzten espezialista gehiago
- Hitzarmen arautzaileak (3) jasotzen dituen guardiak egitea, modu ekitatiboan banatuta eta familia-kontziliazioa erraztuta.
- Lanaldi murriztua duten langileen guardien murrizketa proportzionala (kontziliazioa).
- Aurreikusi ezin diren kontingentziengatik guardia gehiago egin behar badira, benetako lanordu gisa
- Lan- eta guardia-egutegia bi hilabete lehenago, akordio arautzaileak dioen
Ametsak borrokatuz!