Azken asteotan, Osakidetzaren 35. urteurrenaren ospakizunean Jon Darpon sailburuaren erakustaldia ikusi dugu. Erakustaldiaren kostuak, 207.000 eurotakoa, ia arnasarik gabe utzi gaitu.

Eta “ia” esaten dugu, indarrez arnasa hartzera behartu bait dugu gure burua, diru publikoaren xahutze lotsagarri honen aurrean gure kexa ozen entzun dadin. Are gehiago emergentzietako ZIU mugikorreko profesionalek, xahututako dirua baino askoz kostu txikiagoa duen erabiltzaile pediatrikoak modu egokian zaintzeko materiala eskatzen ari direnean, kasu honetan Gernikari (Gernika, Bermeo, Lekeitio, Zornotza, Durango,...) zerbitzua ematen dion ZIUan arreta berezia jarriz. Agian udalerri horietako gurasoei interesatuko zaie jakitea bere umeak atenditzeko material hori ukatzeko arrazoia diru falta omen dela.

Emergentzietako langileak garen partetik, amorru handia sentitzen dugu, bereziki hilabete kaskarrak hurbiltzen ari direnean, arnas aparatuko gaixotasunekin, eta jakinda ume askok material horren beharra izango dutela. Jakinda ere Gurutzetako ospitalera garaiz heldu ahal izatea suposatuko duen lan neketsua. 

Honetarako ez dago dirurik, ez eta behar ezberdinak dituzten beste erakundeentzako ere. Bai ordea, beste hainbat gauzen artean, 48.000 euroko bideo batentzako. Baita Darpon jaunaren egoa elikatzeko, Urkullu lehendakariaren babesarekin.