pirilaren 18an, ESK-k, Euskal Autonomia Erkidegoko Kontratuen inguruko Errekurtsoen Administrazio Organoari (EAEKiEAO)ri eskatu zion Donostiako Larrialdietako teknikarien lizitazioa bertan behera utz zezala, Osakidetzako Mahai Sektoriala eta Funtzio Publikoaren Mahaiaren akordioak ez baitituen betetzen.

EAEKiEAOk, hasiera batean, ESKren eskaerak onartu zuen eta kautelazko etendura erabaki zuen behin behiniko balorazioa egin arte.

Maiatzaren 31an, jakinarazi ziguten EAEKiEAOk ESKren eskaeraren aurka erabaki zue­la; erabakian zioen langile horiek denbora luzea zeramatela pribatuak izanik eta ez zegoela pribatizazio egitate berririk, aspaldikoa zela, eta ondorioz lizitazioa bertan behera uztea ez zela egokia.

ESK-k Larrialdietako Zuzendaritza eta Osakidetzako arduradun politikoak salatzen ditu baliabide publikoen pribatizazioan tematuta jarraitzeagatik eta lizitazio berri hau ez aprobetxatzeagatik zerbitzu pribatizatuak lehengora daitezen eta sindikatu honen argudioen alde ez egiteagatik.

ESK-k Darpon jaunari eta Larrialdietako Zuzendaritzari exijitzen die grina pribatizatzaileak alde batera utzi eta zerbitzu pribatuak publikora lehengora ditzatela. Lotsagarria baita Gipuzkoako Larrialdietako zerbitzuen erdia baino gehiago pribatizatuta egotea.

Pribatizazio guztien aurka borrokatzen jarraituko dugu.

• Base pribatizatuen lehengoratzea, kalitatezko enplegu publikoa sortuz
• Base berriak sortu hiru herrialdeetan, gutxi baitaude.