2011KO DEIALDIAREN ATZERAPENEN ORDAINKETA

Osakidetzak urriko nominarekin ordaindu ditu Garapen Profesionaleko atzerapenak. EAEko Goi Auzitegiaren epaiak eta zortzi urtetan zehar egin ditugun mobilizazioek eragindako presioa dela eta hartu dute erabaki hau.

OSAKIDETZAK DISKRIMINAZIOA ETA SOLDATA ESKALA BIKOITZA MANTENTZEN DITU

Hala ere, atzerapenen ordainketarekin ez dira 2011ko deialdiaren eteteak sortu zituen diskriminazio eta desberdintasunak guztiz konpontzen. Langile askok, etete honen 8 urtetan zehar, araudiak dioen bezala urteroko deialdiak egin izan balira, garapen maila berria lortu zezaketen, atzerapenak sortuz Osakidetzak aitortzen ez dien datatik aurrera.

Hori dela eta, ESKak erreklamazio juridiko bat jarri du martxan atzerapen horiek aitortu daitezen. Erreklamazioa egin nahi duenak gure lokal sindikaletik pasatu edo sindikatuaren delegatuaren betekin kontaktuan jarri.

PREMIAZKOA DA MOBILIZAZIOA

Osakidetzaren deialdi berririk egiteko eta langile ororentzat Garapenerako sarbidea normalizatzeko borondate ezak, epaitegien bideaz gain, langileen mobilizazioa exijitzen du. Ezinbestekoa da gure eskubideen errespetua bermatzeko eta sarbidea baldintza objektiboetan egin ahal izateko. Orain daukagun eredua diskriminatzailea da guztiz.

ESK beti egon da, eta egongo da, hain beharrezkoa den mobilizazioaren alde.

 

ERREKLAMATU ETA ZURE ESKUBIDEAK DEFENDATU! 

 

ERREKLAMAZIOA

• Erreklamazioa egin nahi duenak gure lokal sindikaletik pasatu.

• Egindako Zerbitzuen agiria beharrezkoa da.