ESK-k betidanik, Lehen Arretako langileek txandakotasun-plusa kobratzea proposatu izan du.

2015eko Abenduaren 4an, ESKren eskutik zijoan langile baten salaketari esker, Osakidetzak, Lehen Arretan txandakotasuna aintzat hartzea lortu genuen Euskal Herriko Auzitegi Nagusiaren epai irmo baten bitartez.

ESKn asko pozten gara, langile honen pertseberantziarekin batera, aurrerapauso honetan lagundu izanaz, beste zerbitzu eta erakundeekiko egoera diskriminatzaile honi irtenbidea jarriz. Hau dela eta beste langile guztioi txandakotasun-plusa eskatzera animatzen zaituztegu.

Hala ere, salaketen igoera dela eta, Osakidetzak errekurtso bat aurkeztu du eta azken hauek paralizatuta diraute Auzitegi Nagusiaren erabakiaren zain.

ESK-k txandak egiten dituzten langileek txandakotasun-plusa kobratzearen eskubidea defendatzen jarraituko du eta Akordio Erregulatzailea guztiz zaharkituta dagoela  iruditzen zaigunez, Osakidetzari, langile guztion eskubide eta eskaerak jasotzen dituen akordio berri bat negoziatzea exijitzen dugu.