EPE-ko hainbat kategorietan gainditutakoen zerrenden erresoluzioak argitaratu ditu Osakidetzak, eta merituak aurkezteko epea zabaldu du ere. Kategoria horien artean traumatologia eta susmopean dauden beste espezialitate medikoak daude.

Aho bete hortz geratu gara ESK-n gardentasuna lurperatzeko hamaikagarren maniobra hau ikusita. Argi geratzen ari da Osakidetzako zuzendari berria, Juan Luis Diego, aurrekoaren bide beretik doala eta PP-ri peajea ordainduta libre sentitzen dela nahi eran kudeatzen jarraitzeko.

ESK-ren ustez, espezialitate medikoen plaza banaketarako ezarrita dagoen bezerokeriari oniritzia ematen dio azken mugendu lotsagarri honek, eta argi erakusten du aldaketa sinesgarririk ezartzeko borondaterik ez dagoela, ez EPE honetan, ezta hurrengoetan ere.

Sistema klientelar hau salatzeko aurrerapausua eman zuten espezialistak errepresaliatuta izaten ari diren momentu berberean, beste batzuen iruzurra plaza batekin saritzeko prest dago Osakidetza. Hau benetan harrigarria da ESKrentzat. Bere ardureei aurre emateko eskatu behar diogu berriz ere Lehendakariari, ikerketa serio eta independiente bat bultzatu dezan eta ustelkeri hau onartu duten guztiek haien ardura politikoak onar ditzaten.