Demagun mediku espezialistentzat EPE bat egiten dutela, non benetan, EPE prozesua gezur hutsa den. Gezur ezaguna, onartua eta Zerbitzutako Buruek, ESItako Gestoreek eta Administrazioko
Arduradunek babestua.

Demagun, EPE usteldu hau langile eta ordezkari sindikalentzako aspalditik ezaguna dela.

Demagun EPE horretako Tribunalak osatzen dituzten pertsonek, lanpostuak eskeintzen diren zerbitzu horietako Zerbitzu Buruak direlarik, azterketaren galdera batzu edota azterketako galdera
guztiak haiek aukeratutako langileei banatzea. Parte-hartzaile baten baten puntuazioa igotzeko balioko lukeelarik, interes pertsonalen arabera.

Imajina dezagun hau gertatuko balitz zer suposatuko lukeen Osasun Sistema Publikoan: gure medikuen arteko adiskidekeria tratuak, Zerbitzuburuek langileak kontrolatzeko boterea eta hauen
sumisio behartua. Estamentu guztia estu lotuta egongo litzateke, Gizarteari zor diogun osasun arretari lotuta ez dauden eta kontra egiten dioten langile ta zerbitzuburuen arteko fabore
trukeari mesede eginez.

Honek, EPE guztiek gailendu behar dituen “berdintasun, meritu eta gaitasun” printzipioen amaiera suposatuko luke.

Zer gertatuko litzateke egoera hau, hain “garbia eta bidezkoa” den gure euskal administrazio publikoan, emango balitz?

Ezkutuko barne egite ilegala eta ustelkeria-delitu sistemiko bat suposatuko luke.