Onartezina da lan gatazkak bide bazterretan konpontzen zituen erregimen baten oinordekoei ahotsa ematea. Orain Akordio Arautzaile berri baten negoziazioa hasten da eta ezin dugu onartu Osakidetzako langileriaren zati baten izenean hitz egingo duten sindikatuek faxismoa zuritzea.

« Onartezina da  lan gatazkak bide bazterretan konpontzen  zituen erregimen baten oinordekoei ahotsa ematea »

 

Osakidetzako langileen lan-eskubideak arautzen dituzten arauak zaharkituta daude aspalditik. Madrilen negoziatzen den esparru estatutua duela 20 urte baino gehiago onartu zen, eta Osakidetzako lan baldintzak arautzeko akordioa duela 15 urte baino gehiago iraungi zen.

Negoziazio mahaietan, TECNOS eta SAE bezalako sindikatu korporatiboak VOXekin negoziatzera eseri dira, esparru estatutu berria blokeatzeko. Hori onarezina da bi arrazoirengatik: sindikatu batzuek lan-eskubideak negoziatzen dituztelako publikoa den guztiarekin begirunerik gabe amaitu nahi duen alderdi faxista batekin, eta esaten dutelako negoziazioa blokeatzea langileekin elkartasuna adieraztea dela.

 

Onartezina

ESK-rentzat, onartezina da lan gatazkak bide bazterretan konpontzen zituen erregimen baten oinordekoei ahotsa ematea.

Orain akordio arautzaile berri baten negoziazioa hasten da eta ezin dugu onartu Osakidetzako langileriaren zati baten izenean hitz egingo duten sindikatuek faxismoa zuritzea.

ESKrentzat, gure eskubideak defendatzeko eta hobetzeko bide bakarra Osakidetzako langile guztien borroka antolatua da.

 

Faxismoarekin ez da negoziatzen, borroka da bide bakarra!