“Proposamen hau 2020ko azaroan ESKri arrazoia eman zion epaiaren ondorioa da, Osakidetza Garapen Profesionaleko deialdi berri bat irekitzera behartzen baitzuen.”

Atzo, Otsailaren 25ean, mahai sektorialean Garapen Profesionala mahai gainean jarri zen. Osakidetzak Garapen Profesionaleko ezohiko deialdia egiteko proposamena helarazi zien mahaian zeuden sindikatuei.

ESK-k argi utzi nahi du proposamen hori ez dela zerutik erori, eta ez dela Osakidetzaren borondate onaren ondorio. Proposamen hau 2020ko azaroan ESKri arrazoia eman zion epaiaren ondorioa da, Osakidetza Garapen Profesionaleko deialdi berri bat irekitzera behartzen baitzuen.

Borroka sindikala luzea izan da, eta Osakidetzak etengabe egin dio uko legezkotasuna eta bere araudia errespetatzeari, 2011. urteaz geroztik 10 urte luzeetan soldata eskala bikoitza handitzea baimenduz.

ESK-k aurkeztutako erreklamazioak lortu behar izan du azkenean argia ikusten hastea tunelaren amaieran.

Horregatik, ESK-k eskerrak eman nahi dizkie afiliatu eta lagun guztiei, gugan konfiantza izan eta hasierako erreklamazio hura egin zutenei. Zuek gabe ez ginateke honaino helduko.

ESK-n gertaeren bilakaeraren zain egongo gara, behar izanez gero irabazi genuen epaiaren betearazpena eskatzeko.