COVID-19 osasun krisian aldi baterako jardunean aritu diren fisioterapeuten kontratuak ez dira luzatu 2020ko apirilaren 30etik aurrera.

10 pertsona inguruko taldea da, eta arratsaldeko txandan Bilbao-Basurtoko ESIan ospitalez kanpoko gimnasioetan lan egiten zuten.

 

ESK SINDIKATUAK FISIOTERAPEUTAK BERE LANPOSTUETAN BERRIZ ONARTZEA ETA LANALDI OSOKO KONTRATUAK BERRITZEA ESKATZEN DU.

 

ESKk salatu nahi du pandemiaren aitzakiaz justifikatu nahi den ageriko murrizketa hori, eta gaur egungo errealitate bat erakutsi; lan metaketa kontratuen bidez edo zerbitzu beharren bidez ezkutuko behin-behineko lanpostuak gehiegi erabiltzen dituen enpresa honek, oso modu errazean kaleratzen ditu langileak. Krisi-egoera horrek balio behar luke Eusko Jaurlaritzari eta Osakidetzari gogorarazteko osasun publikoan ez dagoela inor sobran, eta behar adina plantilla defendatu beharko luketela, herritarren arretari kalitatez erantzuteko.

Zerbitzu hori goizeko eta arratsaldeko txandekin hornitu behar da “peonadak” edo “errefortzuak” saihesteko, itxaron-zerrenden hazkundearen ondorioz datorren lan igoera aurrera ateratzeko.

Arratsaldeko txandetako 4 edo 5 orduko lanaldiak 7 orduko lanaldi normalizatu bihurtzea, goizeko txandan dagoen pazienteen agendaren kudeaketa berarekin.

Anbulatorioetako gimnasioetarako fisioterapeutak berriro kontratatzea eta, beharrezkoa izanez gero, oraingo egoerak okerrera egingo balu, bere jarduera “berrasmatzea”, hainbat zerbitzu eta unitate sanitariotan egin den bezala; telefonoaz, bideoez eta ospitalez kanpoko eremuan tratatutako patologien eta lesioen gida klinikoez baliatuz.