Orain dela gutxi arte gure ospitaleko Odol Bankuan errespetatu egin da 7/2014 instrukzioa. Laboratorio barruan tekniko espezialista (LTE) eta erizain ESPEZIALISTAK soilik egiten zuten lan; laboratorio kanpoan berriz, odol ateratzeak eta bestelako lanak egiten, erizainak.

Aurten berriz, Unitate Buruak eta Erizaintzako Zuzendaritzak, kriterio aldaketa baten ondorioz, Espezializaziorik gabeko erizainak ipini ditu laboratorio barruan, LTEk egiten dituzten eginkizunak betetzen, osakidetzak berak kaleratu dituen Laboratorioetako Zuzendari Plana eta 7/2014 instrukzioei kasurik egin gabe.

Laboratorioetako Zuzendari Planak Trasfusio Unitatea laboratoriotzat jotzen du, hortaz, 7/2014 instrukzioaren arabera, LET eta erizain espezialistak soilik egin dezakete lan.

ESK sindikatuak egoera injustu hau salatu du Pertsonaleko Zuzendariaren aurrean. LTEek esparru murritza dute Osakidetzaren baitan lan egiteko eta horrelako jokabideak  lan aukerak  kentzen dizkiete.