ESK sindikatuak, Covid 19 pandemiaren inguruan Araban batez ere pairatzen dugun egoeraren aurrean, bai Araba ESIko Zuzendaritzari, bai Nekane Murga Osasun Sailari, ondoko galderen aurrean erantzun publikoa exijitzen die:

 

1. Isolatuta dauden pertsonak artatzeko ESI honek duen ohe dotazioa.
2. Gaur egun behar horiei erantzuteko dauden giza baliabideak.
3. Langileak babesteko eta birusaren hedapena kontrolatzeko Norbanakoen Babeserako Ekipoen dotazioa
4. Kontingentzia-plana, honako hauek barne hartuko dituena: isolamendurako gelen handitzea, plantilla handitzea, abian jarriko diren unitateetarako hornidura materiala eta, beharrezkoa bada, gauzatzeko plana.
5. Osakidetzaren mende ez dauden gainerako laguntza-baliabideekin koordinatzeko plana, hala nola, Osasun Garraioko Sarea, Gasteizko Udala, GOFE Erakunde Soziosanitario Pribatuak, EHU, etab. Jarduteko protokoloak barne hartzen dituena, bai plantillak babesteko, bai artatzen dituzten pertsonak babesteko.

 

Gainera, Osakidetzak ingurune soziosanitarioan lan egiten duten langileen artean (ospitaleak, osasun zentroak, adinekoen egoitza, etab.) kribatu bat egitea eskatzen dugu, erakunde horietan lan egiten duten langile guztiak koronabirusean negatibo direla bermatzeko eta egoera horretan behar den laguntza kalitatez eta lasaitasunez emateko.

ESKak ez du ulertzen nola, lehen kasu positibotik 14 egun igaro ondoren, eta gaixotasunaren eragina handitu ondoren, Osasun Sailak datuen “egoera aldakorrean” babesten den Euskal Gizarteari Kontingentzia Plan bat ez aurkezteko, zer, noiz, nola eta zerekin egingo den, egoera oso aldakorra izanda ere.