Osakidetzak mahai sektoriala bertan behera utzi du erabakiak luzatzeko eta protestak desmobilizatzeko

Greba bi ondoren, Osakidetza ez da hobekuntzarik proposatzeko gai izan eta nahiz eta mahai sektoriala deitzera behartua izan dan gai hori soilik jorratzeko, azkenekoa hainbat alditan atzeratu du. Argi dago Osakidetzak ez duela negoziatzeko asmorik.

Uda garaia dator, eta honekin batera kontratazio eskasak eta prekarioak errepikatuko dira. Gainezko lana pairatuko dugu, ordezkoak batez ere, bi pertsona edo gehiagoren lana egiten, hainbat  zentroetan edo lanaldiak zabalduz.

Osakidetzak ez du ganorazko konponbiderik eman nahi gure osasun zentroen premiei, eta ez du LA indartzea nahi dagokion lekuan jartzeko. Osakidetzak ez du ezer negoziatu nahi,  eta analisi gehiagorekin eta lan-taldeekin isildu nahi gaitu. Ez baduzu ezer konpondu nahi,  lantaldeak egin itzazu.

Negoziatzeko borondaterik ez duen administrazio baten aurrean. Langileen desmobilizazioa nahi duen administrazio baten aurrean, talde guztien mobilizazioa indartzea besterik ez dago.  Elkarrekin posible delako. Elkarrekin indartsuagoak garelako. 

ESKak argi dauka. Osakidetzak ez du konponbiderik eman nahi eta negoziazio-eremuak eteten ditu.  ESK  sindikatuak, ekainaren 17an grebarako deia egiten du. Egungo sindikatuen eta Lehen Arreta Arnasberritzen plataformaren arteko batasunetik, gure helburuak lortuko ditugu.

Para ESK está claro. Osakidetza no quiere dar soluciones y suspende las vías de negociación. Llamamos a la huelga para este 17 de junio. Desde la unidad actual de sindicatos y la plataforma Lehen Arreta Arnasberritzen conseguiremos nuestros objetivos.