Espezialitateen egungo kudeaketaren ondorioz, erizain espezialista gehienek ezin dute titulu ofizialik lortu, eta ezin dira lanpostu jakin batzuetan kontratatu.

 

Argazkia: El Correo

 

ESK sindikatutik gure ezinegona adierazi nahi dugu erizaintzako espezialitateen garapen negargarriaren aurrean, espezialitate horiei buruzko apirilaren 22ko 450/2005 Errege Dekretua onartu zenetik. Dekretu hau espezialitate medikoekin egin zen trantsizioaren kopia da, baina garatu gabe. Hori dela eta, Dekretua onartu zenetik urte asko pasatu direnean, erizain espezialista gehienak titulu ofizialik gabe jarraitzen dute eta lanpostu jakin batzuetarako kontratatuak izateko aukerarik gabe.

2005. urtean, erizaintzako zazpi espezialitate arautu ziren, eta horretarako bi bide ezarri ziren: salbuespenezkoa eta BEE (EIR). Salbuespenezko bidea behin bakarrik irekitzen da espezialitate baterako deialdia egiten denean, eta BEE bideak erizain gutxi batzuei ematen die sarbidea urtero. Egoera horrek blokeatu egiten du espezialitateetarako sarbidea, eta inbutu efektua eragiten du. Horren ondorioz, urtetik urtera milaka erizain espezialista pilatzen dira, titulu ofizialik gabe.

Gaur egun, zenbait espezialitate garatu gabe dituen legezko linbo batean gaude, eta ez dugu espezialitate hori salbuespenez eskuratzeko aukerarik. Horrela, kontraesan handi batekin topo egiten dugu: gaur egun, BEE Erizainak trebatu eta tutorizatzen dituzten profesionalak daude, haiek espezialitaterik ez duten bitartean, ez eta salbuespenezko bidera sartzeko aukerarik.

 

Proposatzen dugu

• Erizainak dagokien espezialitatean homologatzea, eta gaur egungo buxadura amaitu arte beharrezkoak diren aparteko deialdiak eskaintzea.
  
  
• Erizaintzako espezialitateen berariazko eginkizunen definizioa eta deskribapena.
  
  
• Mediko-Kirurgikoa garatu gabe dagoen erizaintzako espezialitatearen definizio zehatza eta berariazkoa, hartzen dituen esparruen zabaleragatik.
  
  
• Indarrean dauden kontratazioko araudiak espezialitate askoren garapen faltaren egoerara egokitzea.

 

ESK sindikatuak apustu eta lan egiten du erizaintzak, osasun publikoaren funtsezko euskarria den aldetik, bere potentzialtasun guztia garatu ahal izan dezan lanbide gisa, baita espezialitateen esparruan ere.