Eskaintzen dizugu

 

Afiliatuen eskubideen artean, sindikatuaren estruktura guztietan parte-hartzeaz gain, aholkularitza sindikala eta arreta juridikoarena daude.

 

Partehartzea

Sindikatuaren edozein organo erabakitzailean parte hartzea eskaintzen dugu, traba burokratikorik gabe. Zure gaitasunek eta lanak sindikatua aberasten dute eta guztiona den proiektu sindikal baten parte sentiarazten dizute.

 

Aholkularitza sindikala

Pertsona afiliatu guztiek eskura dituzte aholkularitza sindikalaren zerbitzuak (lan-kontratuak, nominak, genero-diskriminazioak, balore berdineko lanak, lanaldiak eta egutegiak, errendimendu-sistemak, huts eta zigorrak, kaleratzeak, Enplegu-erregulazio Espedienteak, mugikortasunak, segurtasuna eta lan-osasuna, gatazka kolektiboak, grebak, eta abar). Defentsa onenerako konprometitutako pertsona gaituek zuzentzen dute zerbitzu hau.

 

Laguntza juridikoa

Laguntza juridikoa doakoa da pertsona afiluatuentzat. Tasa judizialak eta prokuradoreen balizko zerbitzuak edo peritu-frogak bakarrik ordainduko dira; hauen minutak afiliatuen kontura izango dira.

 

Elkartasun Fondoa

ESK-k Elkartasun Fondo bat dauka; greba sindikaletan parte hartzen duten afiliatuei Fondo honek oinarrizko diru-sarrera bat izateko parada eskaintzen die greba-egun jakin batetik aurrera, baliabide ekonomikoen eza ez dadila izan greba bat bertan behera uzteko arrazoia.

Honako testuak, Elkartasun Fondoaren funtzionamenduaren funtsezko irizpideak laburbiltzen ditu. Araudi osoa nahi duenaren eskura dago hemen.