ESK sindikatuak Arrasateko Ospitaleko zuzendaritzen eta jefaturen eguneroko jarrera prepotente eta kazikila salatu nahi du eta elkarretaratzera deitzen du otsailaren 5ean, 10:30ean ospitalaren ate aurrean.

Iruzurra salatu zuten medikuen aurkako mendeku zehatza diseinatu du Osakidetzak, eta ospital honetako zuzendaritza burubelarri eramaten ari da aurrera mendeku hori.

Honekin batera salatu behar dugu ere hainbat superbisoreek, zuzendaritzaren oniritziarekin, langileei ematen dieten tratua: eguneroko kartelera aldaketak, atsedenerako eskubidea errespetatu gabe; ordutegiak errespetatzen ez duten kartelerak, iardunaldieen luzapenak, kontratazio falta...

Kontratazio gehiago behar dela azpimarratu nahi du berriro Esk-k, plantillak lan-kargarekin batera etor daitezen eta prekarietatea gutxitu dadin.

Formazio planak beharrezkoak direla deritzogu, baina plantillen estabilitatearekin batera datozenak, formatutako pertsonak kontratu hobeak eskeintzen dieten beste OSI-etara ihes egin ez dezaten.

Jarrera hauek salatzeko konzentrazioan parte hartzeko eskatu nahi dizue Esk-k, hurrengo Otsailaren 5ean 10:30tan Arrasateko Ospitaleko ate nagusiaren aurrean ospatuko dena.
 
ERREPRESORIK EZ! NO MAS CACICADAS