Osakidetzak mahai sektorialean langileon arazoak konpontzeko proposamen errealak egiteko aukera galdu du: garapen profesionalaren ordainketa, galdutako erosteko ahalmenaren berreskuratzea, prekarietate maila altua, pertsonal eta kontratazio falta, etab. Mahai sektorial frustragarria izan da, beste behin ere Osakidetzak inposaketaren eta egintza burutuen ildotik jo du, negoziazio kolektiboari sekulako kolpea emanez.

KOORDINAZIO ZENTROEN BATERATZEA

Soto jaunaren partetik koordinazio zentroen bateratzea ez dagoela erabakita adierazten zaigu, aukerak ikertzen dabiltzatela. Esaldi honek ez gaitu lasaitzen., zuzendaritzen intentzio onekin ez bait gara batere fio. ESKak adi egongo da edozein maniobra edo aldebakarreko erabakiari, hortaz, langileekin batera mobilizatzen jarraituko dugu.

ESKrentzako momentu egokia da ondorengoa lortzeko:

“GURE KOORDINAZIO ZENTRO PROPIOAK, BARNE SAILATIK BEHINGOZ BEREIZTUZ”
 

EMERGENTIETAKO LANGILEEN LAN BALDINTZAK HOBETZEKO ZIRRIBORRO-PROPOSAMENA

Pertsonal batzordetik urte bat baino gehiago lan baldintza onen alde borrokan egon egon ezkero Osakidetzak Emergentzietako langileria izorratu nahi du.

EMERGENTZIAKO OSAGARRIA

Osagarri hau BEAko langileei bakarrik ordaintzen zaie eta %3ko da, ospitaleetan aldiz, %4koa ematen da. ESKak eskatzen ari dena zera da; lanpostu guztietan lan eta estres kargak neurtzea eta horren araberako osagarria ordaintzea (Baseak, koordinazioa, bulegoa, helikopteroa, parkea eta plataforma)

Onartezina da osagarri hau koordinazioko langile orori  EZ ordaintzea. Helikopteroko langileak ere ez dira espresuki aipatzen. ONARTEZIA DERITZOGU.

TXANDARTEKOA

BEAko langileentzat eta koordinazioko mediku eta erizainentzat aurreikusten da. Guretzako ulergaitza da osagarri honetatik kanpo operadoreak uztea. ONARTEZIA DERITZOGU.

ARDURA KONPLEMENTUA

Erizaintzarako aurreikusten da baina ez salako medikuentzat. ONARTEZIA DERITZOGU.

ESKak Koordinazio Zentroetan dietekin ematen den bidegabekeriarekin amaitzea proposatzen du, eta behingoz bere inplementazioa negoziatu dadila.

Azken finean, proposamen seriorik gabeko beste mahai sektoriala, non Osakidetzak bere erritmoa inposatu nahi duen. ESKak egoera iraultzea premiazkoa dela deritzo.