Osakidetzak eta Osasun sailak haien gezurrezko egiz betetako bide kontraesangarrian jarraitzen dute.

 

Darpon eta Mujikaren azkenengo agerraldiaren lekuko izan gara. Honen aurrean ESKtik gure indignazioa adierazi nahi dugu berriro ere. Agerraldian, harrotutako Darpon bat ikusi dugu, batzuetan irainkor azaldu dena oposizioko parlamentari batzuekin (eta sindikatu batzuekin, geu barne).

Osakidetzak eta Osasun sailak haien gezurrezko egiz betetako bide kontraesangarrian jarraitzen dute. Lau hilabete daramate "gardentasuna"-ren mantra errepikatzen eta aldi berean ez dituzte argira ateratzen haien barne-ikerketaren txostenak, zeinetan epaimahaikide batzuen testigantzak irakurri daitezke filtrazioak egon badaudela baieztatzen.

"Gardentasuna", baina azterketa batzuk errepikatzen dira eta beste batzuk ez azalpen sinesgarririk eman gabe. Agian gardentasunaren ispirituak inspiratuta mehatxatu zituen Mujikak mediku salatzaileak aurreko agerraldi batean.

Agian gardentasunaren isla da baita hau guztia presaka bukatu eta itxi nahi izatea, eta aldi berean traumatologiakoa bezalako neurri kafkianoak hartu: gelditzen dute prozesua epaimahaikedeak batu zirelako jakitera eman gabe esamina baino lehenago baina horrek ez duela azterketaren emaitzengan eraginik suposatu mantentzen dute.

Darpon, Mujika: mila aldiz errepikatutako gezur bat ez da egi bihurtzen, esperpento bilakatu ahal da akaso. Hiritarrok ez ditugu gestore hauek merezi. Urkullu jauna: hauek al dira zure sailburuak? Hauek al dira zuen "gobernu onaren" eredu? Bukatu zure harreman politikoa haiekin, garbitasun demokratikoaren alde bada ere.

 

Palestinarekin elkartasuna

Afiliazioa sindikatua