Mozioa jaso dute gutxieneko soldata propio batek zuzenean eragingo lieketen sektoreetako ordezkariek; hala nola, Arabako adinekoen egoitzetakoek, osasun klinika txikietakoek, hoteletako langileek, Bizkaiko elikagaien merkataritzakoek, lorezainek, Enplegu Zentro Berezietakoek, bulegoetako langileek, telemarketingeko langileek eta Amazoneko langileek.
 

«  Prekaritatearen eta pobreziaren  aurkako borrokan ezinbesteko neurria da »

LAB, ELA, ESK, STEILAS, HIRU eta ETXALDE sindikatuok Hego Euskal Herriko langile guztientzat gutxieneko soldata duin eta erreal bat ezartzeko ekimena abiatu dugu. Gutxieneko soldata aberastasunaren banaketarako tresna nagusietako bat da, eta prekaritatearen eta pobreziaren aurkako borrokan ezinbesteko neurria.

LGS eskasa

Gaur egungo Espainiako gutxieneko soldatak ez du bermatzen bertako langileek euren bizitza modu duinean garatu ahal izatea. Gainera, prezioak gorantz doaz eta enpresen irabaziak marka historikoetara iristen ari dira. Horregatik, behar-beharrezkoa da gutxieneko soldata hemen erabakitzea eta Hego Euskal Herriko errealitate sozioekonomikoari egokitzea. Langileon lan- eta bizi-baldintzak hobetuko dituen burujabetza ariketa da egiten ari garena.

Horretarako bi bide abiatu ditugu: bata, bertako eskumenen baitan Lanbidearteko Akordio bidez patronalarekin negoziazioa hastea, Confebask eta CEN patronalek ezezko borobilarekin erantzun dioten bidea. Bestea, Herri Ekimen Legegilearen bidez autonomia erkidegoek gutxieneko soldata propioa ezartzeko eskumena eskuratzea, eta horretarako milaka sinadura biltzen ari gara.

Prekarietateari aurre egin

Gutxieneko soldata propio batek bereziki eragingo lieke gizartean lan baldintza okerrenak dituzten sektoreei, horietako asko feminizatuak, migratutako pertsonez osatuak, aniztasun funtzionala duten langileak dauden esparruak eta langile gazteak lanean ari diren enpresak.

Esandakoarengatik, aipatutako sektore horietan ari diren langileen ordezkariek dei egiten dute gutxieneko soldata propio baten aldeko ekimen guztietara, lanbidearteko akordio baten aldekora eta Herri Ekimen Legegile baten aldeko sinadurak biltzera.

Era berean, enpresa hauetan ari diren langileen ordezkariek dei egiten diete Hego Euskal Herriko langile guztiei beren sinadurarekin sostengua eman diezaioten gutxieneko soldata propio baten aldeko Herri Ekimen Legegileari. Sinadura bakoitzak legez gutxieneko soldata ezartzeko aukera errazten du eta, era berean, patronalari presio egiten dio negoziazio mahaira bueltatu dadin.

Babesten duten sektoreak eta enpresak

Ondoren atxikituta azaltzen dira gutxieneko soldata propio baten alde atxikimendua eman duten eta gutxieneko soldata propio baten onuradunak izango liratekeen langileen ordezkarien lantokiak:

Araba:

• Caser adinekoen egoitza
  
  
• Sanitas adinekoen egoitza

• Ariñez-Villodas adinekoen egoitza

• Mercedarias adinekoen egoitza

• Colisee adinekoen egoitza

• Gazalbide adinekoen egoitza

• Garbident klinika pribatua

• Enviser lorezainak

• Biocompost. Birziklapen enpresa

Bizkaia

• Lantegi Batuak EZB

• Fabripapel SLU Cherry EZB.

• Sifu EZB.

• CAE EZB.

• Ilunion operarios EZB.

• Avifes Aniztasun funtzionaleko pertsonen artapena.

• Sindrome de Down. Aniztasun funtzionaleko pertsonen artapena.

• Salica arrain kontserbak.

• Lanalden telemarketing.

• Energuia Web Bulegoak.

• Entelgy Ibai Bulegoak.

• Xupera Telemarketing.

• Inetum Bulegoak.

• Garbialdi Garbiketa.

• Abando Garbiketa.

• Optima Garbiketa.

• UPV Garbikuntza

• Bilboko kiroldegiak.

• UTE Bilboko Udala garbiketa

• Epaitegietako garbiketa

• Impacto garbiketa

• UTE Bizkamb

• Bilboko lorezainak

• Ercilla Hotela

• Mercure Hotela

• Emtesport kiroldegia

• Ercoreca Elikagaien merkataritza

• Zara Ehunen merkataritza

• Tendam Ehunen merkataritza

• Stradivarious Ehunen merkataritza

• Radisson Hotela

• Occident Aseguru enpresa

• Catalana Occidente Aseguru enpresa

• Ares capital UBER

• Moove cars UBER

• Envac Iberia Ingenieria

• Ugaoko lorazainak

• Costco. Saltoki handiak

• Equipafasa Elikagaien Merkataritza

• Vitaly Health Services Aseguru enpresa

Gipuzkoa

• Gureak EZB.
  
  
• Katea-Legaia EZB.
  
  
• Gipuzkoako anbulantziak.
  
  
• Delcom AMAZON.
  
  
• Geslagun garbiketa.
  
  
• Hoteles y Termas (La Perla)
  
  
• Abaltzisketa Logistika Telemarketing.