Osakidetzako Larrialdietako zuzendari gerentearen kargu-uztea ez da nahikoa. Kudeaketa-talde osoaren dimisioa eta Emergentziak-Osakidetza zuzentzeko moduetan erabateko aldaketa eskatzen dugu.

«  Kargu-uzte hau langileek egindako  mobilizazio eta salaketen emaitza  da »

 
Gaur jakin dugu pasa den uztailaren 24ko ebazpena, Oscar Aller Osakidetzako Larrialdietako zuzendari kudeatzaile kargutik kentzen zuena.

Burugabekeria bat bestearen atzetik

ESK-ren ustez, kargugabetze hori Osakidetza-Emergentzietako langileek, egungo zuzendaritzak inpunitate osoz aurrera eraman duen zerbitzuaren prekarizazioa salatzeko, egin berri dituzten mobilizazioen eta salaketen emaitza da.

Ezin dugu ahaztu gure kideek Eusko Jaularitzako Osasun Batzordean egindako agerraldia, Larrialdietako Zuzendaritzak gure Koordinazio Zentroetara bideratu zuen egoera jasangaitzaz ohartarazten zutenak, edo ESK-k egindako salaketak, kudeaketa honetatik bultzatzen ziren gizalanek diru-kutxa publikoei zekarkien kostuari buruzkoak, edo berrienak, gure ZIU mugikorretan eta Koordinazio Zentroetan ordezkapenak egiteko plangintzarik ezari buruzkoak.

Horrez gain, uda baino lehen Araban Unitate Mugikor berria ezartzeko konpromisoa modu lotsagabean ez betetzea ere kontuan hartzen badugu, kudeatzailearen kargu-uztea behar-beharrezkoa zen.

Arazo larriak konpontzen ez dituen kargu-uztea

Hala ere, ESK-tik badakigu kargu-uzte horrek ez dituela konponduko kudeaketa-talde osoak sortu dituen arazo larriak. Hori dela eta, osorik dimisioa ematea eta Emergentziak-Osakidetza zuzentzeko moduak errotik aldatzea eskatzen dugu, plantillaren lan-baldintzak duintzeko, langileen benetako gehikuntza defendatzeko eta zerbitzu bat indartzeko, eta zerbitzu horren funtzioa, ez dezagun ahaztu, bizitzak salbatzea dela.