Urte eta erdi baino gehiagoko negoziazioaren ondoren eta 25 bilera egin eta gero, Arabako Esku-hartze Sozialaren sektoreko 5 sindikatuok eta AISA patronalak Arabako Esku-hartze Sozialaren III. Hitzarmenaren aurreakordioa sinatu dugu.

« Langileek lan-baldintzak eta erosteko ahalmenari eustea hobetzen duen hitzarmena  irabazi dute kalean  »

ESK-k sektoreko langile guztiak zoriondu nahi ditu, kalean lan-baldintzetan hobekuntza nabarmenak bermatzen dituen hitzarmen bat irabazi dutelako eta erosteko ahalmena egungo inflazioaren aurrean mantenduko delako.

Lan-hitzarmenean hobekuntzak

Akordio ekonomikoak %12,9ko igoera jasotzen du hitzarmenaren indarraldian (2021-2024), 2021ean %0,9koa; %3,4ko 2022an; %4,5koa 2023an eta %4,1koa 2024an.

KPIaren bermeari dagokionez, 2021etik 2023ra bitarteko urteetako KPIari %12,9 kenduta bermatuko da 2024ko urtarriletik aurrera, taula eta soldatetan, baina 2024ko abenduan ordainduko da. ESK-k otsailaren 2an negoziazio-bileran planteatu genuen formula hori azken asteetan mahai gainean zegoena baino onuragarriagoa izan daitekeela uste dugu.

Gure ustez, akordio ekonomikoa, hitzarmena indarrean dagoen 4 urteetan lanaldian 30 orduko jeitsierarekin batera, 2024ko urtarrilaren 1etik aurrera igandeetako plusaren eta gauekoaren arteko bateragarritasuna, 2 urtean behin arrisku psikosozialak sistematikoki ebaluatzeko konpromisoak, baimenak eta lizentziak hobetzea eta lanbide-kategorizazio berri bat adosteko konpromisoa hitzarmena indarrean dagoen bitartean, talde profesionalen arteko soldata-arrakala gero eta handiagoa ezabatuko duela espero duguna, benetan akordio positiboa da sektorearentzat.

« Akordio hori lortu dutenak batzarretan, grebetan eta mobilizazioetan  aktiboki parte hartu duten langileak  izan dira »

Parte-hartzailea eta asanblearioa

Azpimarratu behar dugu akordio hori lortu duzuenak asanbladetan, grebetan eta mobilizazioetan aktiboki parte hartu duzuen langileak izan zaretela. Sindikatuak zuen antolaketarako tresnak gara eta, horregatik, ESK-k negoziazioaren hasieratik izan duen lehentasuna prozesuaren protagonistak zuek izatea izan da.

Eta erabakiak lantokietatik aldentzeko ahaleginak egin diren arren, harro esan dezakegu esku-hartze sozialeko sektorea erabat indartuta ateratzen dela erabakiak modu parte-hartzailean eta asanblearioan hartzen dituenean eta bere lan-baldintzak eta gizarte justuagoa kalean batuta aldarrikatzen dituenean.

Behin baino gehiagotan esan dugunez, guretzat benetako plazera da esku-hartze sozialeko langileak ordezkatzea. Hemen, instituzioak, zuzendaritza-batzordeak eta enpresetako zuzendaritzak ez dira ezinbestekoak, zuek zarete ezinbesteko bakarrak.

Zubiak berregin

Azkenik, ez ditugu alde batera utziko sindikatuen arteko lan-zailtasunak, bizi izan dugun azken gertakariarekin, atzo ELAk patronalari egindako aldebakarreko azken proposamenarekin, gainerako sindikatuekin adostu gabe, guztiok joan den asteko bilera eta gero prest geundenean horretarako.

Harreman horiek berrezartzea dagokigu, ESKrentzat lehentasunezkoak izan baitira beti, guretzat hain garrantsitzua den sektore baten onerako. Irailean autokritika egitea eta azken hilabeteetan oso kaltetuak izan diren zubiak berregiten saiatzea tokatzen da. Horretarako, ESK-k ez du zalantzarik izango sindikatuen arteko harremanen eredua adosteko eta sektorean erabakiak hartzeko modu asanblearioan blindatzeko proposamenak egiteko.

Zorionak guztioi!