Osakidetzako garbiketa zerbitzuko langileok ez dugu amore ematen. Gure hitzarmena hortzez eta haginez defendatuko dugu.Ziur gaude mobilizazioaren eta borrokaren bidez bakarrik lortuko dugula.

 

«¡Nos están robando derechos laborales que nos corresponden! Aún así, las trabajadoras del servicio de limpieza de Osakidetza no arrojamos la toalla»

Osakidetzako garbiketa-zerbitzuko langileok 4 urte baino gehiago daramatzagu hitzarmenik gabe, eta enpresekin bilera ugari burutu arren, ia hasieran bezala gaude. Gure hitzarmenaren helburua Osakidetzako langileekiko gure lan baldintzak homologatzea da.

Horixe izan da, hain zuzen ere, bere garaian hiru aldeok onartu genuen marko komuna: enpresak, langileok eta Osakidetza; eta horren arabera zuzendu gara urteetan zehar. Baina negoziazio-mahaiko 40 bilera baino gehiago burutu ondoren, argi geratu da: lankideok, Homologazioa kendu nahi digute.

Ez gara Homologaziotik haratago doazen gaiak aldarrikatzen ari, Ez. Besterik gabe, Homologazio-printzipioan oinarrituta Osakidetzako langileei aplikatzen zaizkien baldintza berberak aplikatzea aldarrikatzen ari gara: karrera profesionaleko deialdietarako sarbidea (besteak beste, aurten martxan jarriko dena), lanpostu hutsak betetzeko sistema zabalagoa eta bidezkoagoa, txanda-kontratuari lotutako erretiro partziala eskuratzea, Osakidetzako langileek dagoeneko onartuta dituzten baimen berriak, etab.

Baina enpresek ez dute Hitzarmenaren egokitzapen txikiena ere egin nahi izan, eta malgutasunik gabe agertu dira. Mahaia blokeatuta dago; helarazi dizkiogun bilera eskaerei erantzun ez duen Osakidetzak babesten omen duen blokeoa. Guri dagozkigun lan-eskubideak lapurtzen ari zaizkigu!

Hala ere, Osakidetzako garbiketa zerbitzuko langileok ez dugu amore ematen. Gure hitzarmena hortzez eta haginez defendatuko dugu. Nazkatuta gaude bai enpresek bai Osakidetzak erakutsitako utzikeriaz. Nazkatuta gaude erakundeek hitz hutsalak eta zapladatxoak bizkarrean hartzeaz, gure lan-baldintza prekarioei buruz hitz egiten dugunean beste alde batera begiratzen duten bitartean.

Baina garbiketa zerbitzuko langileok honaino iritsi garela diogu! Ekainean zehar Homologazioaren defentsa sutsua egiten jarraituko dugu. Ez gara geldituko dagokiguna lortu arte. Atera gaitezen mobilizazioetara argi eta garbi esatera Homologazioa ez dela ukitzen! Ziur gaude mobilizazioaren eta borrokaren bidez bakarrik lortuko dugula.

 

Mobilizazioak

 ESK, LAB, CCOO eta UGT-ek deitutako mobilizazioak

  • Ekainak 23 Txagorritxun (Gasteiz) 10:15  eta Aranzazun (Donostia) 10:30 konzentrazioak. Gauez Txagorritxun akanpada.
  • Ekainak 30ean Txagorritxun (10:15), Aranzazun (10:30) eta Zumarragan (13:45) konzentrazioak.

 

Convenio provincial de limpieza de edificios y locales de Gipuzkoa: tarde y mal

Tras 5 largos años sin convenio, se ha firmado un convenio provincial de limpieza de edificios y locales de Gipuzkoa Irakurri

Correos sigue sin rescindir el contrato a Limpiezas J. Córdoba

Es urgente saber quién va a pagar a la plantilla de limpieza las nóminas impagadas. Exigimos la dimisión de las Irakurri

Firmado el preacuerdo de limpieza en Osakidetza. Las trabajadoras recogen el fruto de su larga lucha.

Tras 5 años con el convenio congelado y tras más de 100 días de huelga, se firma preacuerdo del Convenio Irakurri

Osakidetza pone trabas al acuerdo de la limpieza

Osakidetza se comprometió a asumir el acuerdo entre trabajadoras y empresas de limpieza; pero una vez que ya hay un Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12