Txurdinagabarri egoitzako langileen egoera jasanezina da eta egoera hori aldatzeko mobilizazioen beharra ikusten dugu.

«  Txurdinagabarri egoitzan  ez dira gehitu ez langileak, ez erizaintzako gutxieneko langileak »

Enpresa-batzordean gauden ELA, LAB eta ESK sindikatu-atalak, Bilboko Txurdinagabarri egoitzako zuzendaritzak eramaten gaituen bidetik jasanezina da. Zuzendaritza hau gure lan-baldintzekin eta eman behar dituen zerbitzuekin jolasten ari da.

Baldintza txarrak Txurdinagabarri Egoitzan

Lan-kargek gora egiten digute, lanpostu guztiak ez baitaude beteta; txanda-lerro osoak bete gabe daude, eta solairu bakoitzeko langile eta erdi falta dira. Gainera, baja medikoan edo beste edozein baimenetan dauden langileak ez dituzte betetzen.

Horrek eragina du gugan, baina, ezin bestela izan, gure adinekoei ematen zaien zerbitzuan ere: dutxak murriztuz, ez dira errespetatzen altxatzeko orduak, zaintza-premia handienak dituzten erabiltzaileen kopurua handitu egin da, baina ez dira gehitu ez langileak, ezta erizaintzako gutxieneko langileak ere. Eta ez da hemen amaitzen, zentroko gerentearen erantzun txarrak jasotzen ditugu etengabe.

Mobilizazioak baldintza duinen alde

Baldintza duinetan lan egitea eta zuzendaritzak neurri zehatzak har ditzala lanpostu guztiak betetzea eskatzen dugu. Plantillako langileen kopurua handitu behar dute, plantillari egonkortasuna eman behar diote, lanaldi osoko kontratu mugagabeak eginez eta enpresaren jarrera txarra bertan behera utziz.

Horregatik, martxoaren 24an 17:00etatik 18:00etara Txurdinagabarri Egoitzaren aurrean antolatu dugun kontzentrazioan parte hartzera animatzen zaituztegu.

Batasunak indartzen gaitu.

#ErresidentziakBorrokan