Bizkaiko Metalaren, PCBren, Tubacexen eta Petronorren gatazketan salatutako langileei elkartasuna adierazten diegu.

 

Mostramos nuestra solidaridad con el colectivo de trabajadores y trabajadoras denunciadas en los conflictos del Metal de Bizkaia, PCB, Tubacex y Petronor.

 

« Pertsona horietako batzuk epaiketaren zain daude, eta  espetxe-zigor  oso altuak dituzte »

 

Bizkaiko metala, PCB, Tubacex eta Petronor-eko gatazkengatik inputatutako langileok eta CCOO, LAB, ESK, CNT eta CGT sindikatuok honako hau adierazi nahi dugu:

Bizkaiko metala, PCB, Tubacex eta Petronor-eko borroken ondorioz, asko izan dira jipoitutako, inputatutako eta isun ekonomikoekin zigortutako langileak. Pertsona horietako batzuk epaiketaren zain daude, eta espetxe-zigor oso altuak dituzte.

 

Langile klasearen borrokaren kriminalizazioa

Salatu nahi dugu salaketa horien guztien atzean langile klasearen borroka kriminalizatzeko, sindikalismoa kriminalizatzeko, grebarako eskubidea kriminalizatzeko eta, azken batean, lan-baldintza eta bizi-baldintza duinak defendatzeko borroka-ahalegin oro kriminalizatzeko saiakera bat ezkutatzen dela.

Kriminalizazio saiakera hori ez da kasualitatea, erabaki politiko baten ondorioa baizik. Erabaki hori erakundeen eskutik etorri da, bereziki, Eusko Jaurlaritzaren eskutik. Gatazka guztietan, Eusko Jaurlaritzaren lehen ekarpena izan da Ertzaintza bidaltzea protestak erreprimitzera, jipoitzera, akusazio faltsupean atxilotzera eta Mozal Legea langile askori aplikatzera. Eusko Jaurlaritzak lehentasuna eman beharko lioke ekarpen eta inplikazio handiagoa izateari, negoziazio-mahaietan benetako oreka egon dadin bi aldeen artean.

 

« Ez dugu enpresaririk ikusi atxiloturik edo epaiketaren bati aurre egiten  lan-istripuen  odolustearen ondorioz »

 

Eusko Jaurlaritzak ez ditu langileak babesten

Denbora honetan guztian, Eusko Jaurlaritzak ez du bilatu Bizkaiko metaleko, PCBko, Tubacex-eko eta Petronor-eko langileak babestea enpresa horiek EEEak edo ABEEak mahai gainean jarri zituztenean, ezta ere EEE eta ABEE horien aurkako epai judizialak izan zirenean. Era berean, ez dugu ikusi greba egiteagatik kaleratuak izan diren metaleko langileak babesten, greba egin ez dezaten mehatxatuak izan diren langileak defendatzen, egunero euren lan-eskubideak urratuak ikusten dituzten langileen ondoan edo prekarietatean murgilduta bizi diren langileekin, batzuetan osasuna galtzen dutenak eta gehiegitan bizitza ere. Horrez gain, ez dugu enpresaririk ikusi atxiloturik edo epaiketaren bati aurre egiten lan-istripuen odolustearen ondorioz edo prebentzio neurrien faltarengatik, edota gehiegizkoak diren prekaritate egoerak inposatzeagatik. Erabateko inpunitatearekin jarduten dute norbaitek ahalbidetzen duelako, sistema osoak ahalbidetzen duelako.

Jipoitutako, isuna jarritako edo inputatutako pertsona guztiok, gure enplegua eta lan-baldintzak eta gure lankide guztienak defendatu ditugu. Borroka da langileok dugun mekanismo bakarra inposaketari, prekaritateari eta pobreziari aurre egiteko eta patronalen aurrean negoziazioan presio handiagoa izateko. Patronalak legeak ditu, eta Gobernuak ere bai. Langileok borroka baino ez dugu, tresna legitimo gisa, langile klasearentzako eskubideak defendatzeko eta konkistatzeko eta lege horien aldaketan eragin ahal izateko.

 

«  Lan-gatazkatan jarritako isunak eta salaketak  indarrik gabe  uzteko eskatzen dugu »

 

Borroka sindikala ezin da inoiz delitu izan

Hori dela eta, argi eta garbi diogu borroka sindikala ezin dela inoiz delitu izan, hainbat borrokatan erakutsi den bezala. Borroka horien ondoren, negoziazioetan indarrak orekatzea lortu da, langile guztientzat baldintza eta eskubide hobeak lortzeko.

Hori dela eta, inputatuen kolektiboak bilera bat eskatuko diogu Eusko Jaurlaritzako Enplegu Sailari eta Herritarren Segurtasunerako Sailari, langileen borroka kriminalizatzeari uzteko, Euskal Herriko langileen arteko borrokei buruz duten jarrera berrezartzeko eta Bizkaiko metaleko greban, Tubacexen, PCBn, Petronor-en eta beste edozein lan-gatazkatan jarritako isunak eta salaketak indarrik gabe uzteko eskatzeko.

 

Basurtuko bihotzeko kirurgia ez itxi!

ESK sindikatuak, nola ez, bat egin du Basurtuko bihotz-kirurgiako zerbitzua Gurutzetako Ospitalean sartzearen aurkako mobilizazioarekin. Irakurri

Bizkaiko metalean 5 eguneko greba hastear

Azaroaren 28tik abenduaren 2ra bitartean, ESK-k, metalaren sektoreko gehiengo sindikalarekin batera, astebeteko greba deialdia egin du, hitzarmen duin baten alde. Irakurri

Bilera alderdi politikoekin Bizkaiko metalgintzako grebaren berri emateko

Gaur CCOO, LAB, UGT, ESK, CGT eta CNT sindikatuak Bilbon mobilizatu gara eta talde politikoekin bildu gara Eusko Legebiltzarrean. Irakurri

Indar erakustaldia Bizkaiko metalaren greban

Bizkaiko metalaren grebak fabrikak hustu eta kaleak bete ditu, fabriken presioak, poliziaren presioa eta erakundeek patronalari emandako laguntza lotsagarriaren gainetik. Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12