Urtarrilaren 12an Areilza-Indautxu doktorearen anbulatorioaren aurrean kontzentratzeko deia egiten du ESK-k, Bilboko Lehen Mailako Atentzioak duen estresik handiena salatzeko.

Gure arduradun politikoek Lehen Arretarekiko izan duten urteetako utzikeri eta eraiste jasangaitza kolapsoa eta estutasuna eragin dute Covid olatu berri honen aurrean. Kudeaketa negargarria, atzetik aspaldiko egiturazko defizita dakarrena eta murrizketa eta desberdintasunetan sakontzen duena. Horregatik, ESK sindikatuak protesta-kontzentrazioa deitu du urtarrilak 12, 13:30ean Areilza-Indautxu doktorearen anbulatorioko atean.

« Erantzun serio eta irmoa eman  beharrean gaude, Lehen Arretan egun batzuetako grebarekin besteak beste, sindikatu, langile, plataforma profesional eta mugimendu sozialen parte-hartzearekin »

Lehen Arretak lehenbailehen inbertsio, baliabide eta langile gehiago behar ditu osasun publikoa, unibertsala eta kalitatekoa bermatzeko. Bere aurrekontua %14tik %25era igo behar du, Europako estandarrekin parekatzeko, sortu zeneko sustapen- eta prebentzio-printzipioak bete ahal izateko eta osasun-arreta jasotzeko desberdintasunak saihesteko.

Horregatik guztiagatik, ESKrentzat nahikoa dela esateko unea irtzi da. Aski dela esateko eta, konbikzioz, erantzun serio eta irmoa emateko, Lehen Mailako Arretan egun batzuetako grebarekin besteak beste, sindikatu, langile, plataforma profesional eta mugimendu sozialen parte-hartzearekin.