Nazkatuta gaude egoera honekin eta erakundeen tratu txarrarengatik. Abenduaren 23an, osteguna, elkarretaratzea (9:00etan) eta batzarrak (10:30ean eta 17:30ean).

 

Sigue la presión para que la patronal de Intervención Social de Araba atienda

 

Azken negoziazio-mahaian AISAk joan den abenduaren 2an sindikatuen desblokeo-proposamenari erantzun zion. AISAk atzoko negoziazio-mahaian egin zuen proposamena jada abenduaren 2 eta 3an sektoreko batzarretara eraman genuen ia berbera da. Esan genien, hala sindikatuok nola joan den larunbateko manifestazioan parte hartu zuten langileek, ez dela nahikoa, baina antza entzungor egin digute.

 

Patronalaren proposamena

Atzo AISAk mahaira ekarri zituen proposamen berriak hauek dira:

  • Prestakuntza-kreditua urtean 20 ordutan uztea; adostuta geneukan urtean 25 orduraino luzatzea, eta 5 ordu horiek urteko lanalditik kentzea (guztira hitzarmenaren iraunaldian 31 orduko murrizketa):

    • 2021: 1.638 ordu.
      2022: 1.630 ordu.
      2023: 1.620 ordu.
      2024: 1.608 ordu (sindikatuon posizioarekiko bi orduko aldea litzateke).

  • Jaiotza baimena: hitzarmenak soilik amei aitortzen dizkie baimen ordainduko 17 asteak; amak edo beste gurasoak hartzeko aukera izatea nahi dugu. Hots, bi gurasoek Arabako esku-hartze sozialeko sektorean lan egiten badute jaiotza baimeneko 17 asteak bietako batek hartu ahal izango ditu. Gurasoetako batek ez badu sektorean lan egiten biek hartu ahal izango dituzte.

  • Gainera, kategoria profesionalen berrikuspena egitea planteatzen digute; euren interpretazioaren arabera, 4. taldean, II. Hitzarmenaren testuan, titulazio ertaina galdegiten da, garbitasun langileekin bateraezina; onartzen dute langile horien baldintzak hobetzea, baina zailtasunak ikusten dituzte, hauetako askori gaur ez baitzaio titulurik eskatzen.

    Puntu honetan argi esan dugu irakurtzen jarraitu behar dela eta hitzarmenak hitzez hitz hau esaten duela: “talde profesional bateko kide izatea ez dago titulazio jakin bati lotuta, unibertsitatekoa zein besteren bat, izan ere trebakuntza edo esperientzia egiaztatuak ordezka baitezake hori, bete beharreko baldintza den kasuetan salbu, legeak agintzen duelako edo zerbitzu zein proiektuaren esleipen, hitzarmen, kontzertu edo dirulaguntza arautzen duten baldintza-agiriek galdatzen dutelako”. Orain arte garbitzaileei halako kasu batean ere ez zaie inongo titulaziorik eskatu.

 

« Arabako Foru Aldundiaren aurrekontuak hedakorrenak eta sozialenak bezala saldu digute, baina  ez dituzte hobekuntzak ekarri  langileontzat  »

 

Sindikatuon eskaerak

Alderdi sozialak eskatu du posizioak hurbiltzeko saio bat egiteko berriro, hau da, patronalak mugimenduren bat egitea, eta AISAk onartu du. Bere proposamen berria abenduaren 22an azalduko digu; argi esan du ere ordukoa izango dela bere behin betiko eskaintza.

Geure aldetik ELKARRETARATZE baterako deialdia egingo dugu datorren ostegunean, abenduak 23, 9:00etan Probintziako Plazan. Baliabide guztietako lan- eta artabaldintzak hobetzeko borrokan gauden sektore soziosanitarioetako langile guztiak deituko ditugu (egoitza pribatuak, APDEMA, INDESA eta Esku-hartze soziala).

9:30etan, Arabako Foru Aldundiaren aurrekontuak onartzeko osoko bilkura izango da. Aurrekontu horiek ez dira nahikoak, nahiz eta hedakorrenak eta sozialenak bezala saldu, ez dituzte hobekuntzak izan azpikontratatutako, feminizatutako eta prekarizatutako gizarte-zerbitzuetako funtsezko langileentzat. Aurrekontu horien bitartez, Aldundiak oztopatu egiten du benetako negoziazio kolektiborako aukera, eta bere zerbitzu publikoen kontraten hobekuntza ekonomiko eta sozialak baldintzatu egiten ditu Foru Gobernuak berak negoziazio mahaietatik kanpo hartzen dituen erabakietara.

Egoera honetaz eta tratu txar instituzional honetaz, nazkatuta gaude eta, horregatik, ostegunean kontzentratuko gara, entzun diezaguten. Egun horretan bertan sektoreko ASANBLADAK egingo ditugu goizeko 10:30ean eta arratsaldeko 17:30ean, CCOOen egoitzan, AISAk dakarren proposamenari buruzko erabakiak hartzeko.

 

CEAReko langileek lanuzteak eta mobilizazioak hasi dituzte

CEAReko langileek lanuztea egin dute eta kalera atera dira Zuzentarauarentzat soilik soldata igotzeak dakarren diskriminazioaren aurka protesta egiteko eta Esku-hartze Irakurri

CEAReko diskriminazioaren aurka eta esku-hartze sozialeko hitzarmenen aplikatzearen alde

CEAReko zuzendaritzak ez dizkie bere langileei Esku-hartze Sozialeko hitzarmen probintzialak aplikatzen; horren arabera, plantillek 5.000 euro inguru gutxiago kobratzen dute Irakurri

Bizkaiko esku-hartze sozialeko hitzarmenaren negoziazioei buruzko argibideak

Negoziazioaren egoerari buruzko argibide batzuk uzten dizkizuegu, patronalak bere sasi-egiekin eta kontu faltsuekin engaina ez gaitzan. Abenduaren 14ko kontzentrazioan eta Irakurri

Bizkaiko esku-hartze sozialeko sektoreko patronalari dagokio fitxa mugitzea

Egunotan egin ditugun bi greba eta mobilizazioekin, sektore batu baten indarra erakutsi dugu. Lan-baldintza eta baldintza ekonomiko duinak lortu nahi Irakurri
  • 1
  • 2
  • 3
  • 4
  • 5
  • 6
  • 7
  • 8