Osakidetzako garbiketa-langile azpikontratatuak nazkatuta daude beren lan baldintzekin.

Argazkia: El Correo

ESKtik salatzen ari gara plantilla horrek bere egunerokoan aurre egin behar dion prekarietatearen gorakada, lan-karga handiekin, eskubide-murrizketarekin... bitartean zerbitzuaren enpresa azpikontratisten aurrekontuek gora egiten jarraitzen dute, baina horrek ez du esan nahi plantilla eta zerbitzua hobetzen direnik.

Ulermenetik gogaitura

Pandemian sektore guztiok jasan dugu egoera kritikoa. Osasun-langile guztiak bezala, gu ere anbulatorioetan, ospitaleetan aritu ginen. Funtsezko langiletzat hartu gintuzten, eta inoiz baino beharrezkoagoak izan ginen beharrezko higiene- eta desinfekzio-lanak egin ahal izateko.

Hilabeteak itxaron ditugu, ia urtebete, ulerkorrak izan gara gure zentroetan eta gure lan-baldintzetan jasan ditugun aldaketekin eta berregituraketekin, baina noiz arte jarraitu behar dugu geure bizitzekin ordaintzen, enpresa horien onura handiak?

Bada gure momentua

Gure lan-baldintzak negoziatzeko orduan, administrazio hori ez da jada gure enpresa; izan ere, Garbialdi, Zaintzen, Ferrovial eta antzeko azpikontratak dira, eta haiei aurre egin behar diegu. Enpresa hauentzat beraien onurak, gure lan-baldintzak baino gehiago axola zaie.

Aurreko ikasturtearen hasieratik ikusi genuen gure aldarrikapenak entzunarazi behar geniela. Kalitatezko enplegua eta gure lanen balioaren araberakoa bermatuko diguten lan-baldintzak izan behar ditugu.

Denok batera

Orain denok batera jo behar dugu gure baldintzetan hobekuntzak lortzeko. Besteak beste, honako hauek arautu behar dira: karrera profesionaleko osagarriaren eguneratzea, lan-kargen murrizketa (lanpostu huts guztiak nahitaez betetzea, plantillen beharrezko akordioak berriz ere eguneratuz), enplegu orokorrerako txanda-kontratuarekin erretiro partziala hartzeko betebeharra...

ESK, gai horien alde borrokatzen jarraituko dugu, guztiok elkarrekin lan egiten, batzen gaituen horretan. Ziur gaude une honetan entzun behar digutela eta ozen esan behar digutela ez dela bidezkoa, ez garela bigarren mailako langileak! Eta gure bizitzek enpresa horien etekinak baino gehiago balio dutela!