Barakaldoko Udalak, Valoriza Servicios Medioambientales (Sacyr taldea) enpresak egindako lan eta kontratu ez-betetzeen berri izan du, baina ez dituzte horri buruzko neurri zuzentzailerik hartu.

 

Limpieza Barakaldo Valoriza Servicios Medioambientales (grupo Sacyr)
Argazkia: Barakaldo Digital

 

Irregulartasunak Barakaldoko garbikuntzan

Valoriza Servicios Medioambientales-k (Sacyr Taldea) 2019ko martxoan Barakaldoko Udalaren hiri-hondakin solidoen eta bide-garbiketako zerbitzua esleitu zuenetik, zerbitzuaren ez-betetzeak etengabeak izan dira, bai lan-arloan, baita agiri teknikoen eskakizunen arloan ere.

  • Lanaldi partzialeko langileei hitzarmen kolektiboa osorik ez aplikatzea.

  • Lanaldi partzialeko langileen Gizarte Segurantzako kotizazioak ez dira behar bezala egiten.

  • Enpresak milaka euroko zorra du langile horiekin, nominen etengabeko kudeaketa txarraren ondorioz.

  • Nahiz eta enpresak, kontratu bidez, langileen bajen % 100 betetzera behartzen duen, hori ez da gertatzen. Horrela, zerbitzua hondatzearekin batera, onura irregularrak sortzen dira enpresarentzat.

  • Ez da martxan jarri esleipenaren baldintza teknikoen agirian bertan araututako lan-poltsa.

 

Barakaldoko udala konplizea

Barakaldoko Udalari, Obra eta Zerbitzuetako zinegotziari, hain zuzen, sail-sindikal honetako arduradunek enpresa esleipendunak egindako lan eta kontratu ez-betetze horien berri eman izan badiote ere, ez da horri buruzko neurri zuzentzailerik hartu. Beraz, egoeraren berri badute eta ez badute egoera lehengoratzeko inolako neurririk hartzen, enpresa-jarduera horren konplizetzat jo behar ditugu.

Hilabeteetan zehar, asko izan dira ESK-PTP atal sindikal honek egindako bilerak, idazkiak, eskaerak. Horietako batek ere ez du emaitzarik izan. Horregatik, datozen egunetan epaitegietara joko dugu Barakaldoko Hiri Hondakinen Bilketa zerbitzuko langileen lan-baldintzak eta lan-eskubideak defendatzeko eta enpresa Barakaldoko Udalarekin sinatu zituen kontratu-baldintzak betetzera behartzeko.

 

Basurtuko bihotzeko kirurgia ez itxi!

ESK sindikatuak, nola ez, bat egin du Basurtuko bihotz-kirurgiako zerbitzua Gurutzetako Ospitalean sartzearen aurkako mobilizazioarekin. Irakurri

Bizkaiko metalean 5 eguneko greba hastear

Azaroaren 28tik abenduaren 2ra bitartean, ESK-k, metalaren sektoreko gehiengo sindikalarekin batera, astebeteko greba deialdia egin du, hitzarmen duin baten alde. Irakurri

Bilera alderdi politikoekin Bizkaiko metalgintzako grebaren berri emateko

Gaur CCOO, LAB, UGT, ESK, CGT eta CNT sindikatuak Bilbon mobilizatu gara eta talde politikoekin bildu gara Eusko Legebiltzarrean. Irakurri

Indar erakustaldia Bizkaiko metalaren greban

Bizkaiko metalaren grebak fabrikak hustu eta kaleak bete ditu, fabriken presioak, poliziaren presioa eta erakundeek patronalari emandako laguntza lotsagarriaren gainetik. Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12