Lanbidek, azken asteetan, bi gauza iragarri ditu: DSBE eta EPO prestazioen eskaera berriak eta berrekiteak arretaz izapidetzen dituela soilik, eta etendurak izapidetzeari utzi diola. Eta hau, zoritxarrez, gezurra da.

 

 


Martxoaren 14an alarma-egoera deklaratu zenetik eta konfinamenduarekin herritarren mugikortasuna erabat murriztu zenetik, Lanbidek Diru-Sarrerak Bermatzeko Errenta (DSBE) eta etxebizitzako gastuetarako prestazio osagarria (EPO) eteteko ebazpenak igortzen jarraitu du. Hasiera batean, ARGILAN-ESK-ko aholkularitzak uste genuen, (telematikoki eta telefonoz aktibo mantentzen dugula), martxoaren 14a baino lehenagoko prozedurak zirela. Gero, egiaztatu dugu ez dela horrela.

Lanbide martxoaren 14aren ondoren hasitako prozedurak ebazten eta jakinarazten ari da. Lanbideren sukalde burokratikoa ezagutzen ez dugunez, erakunde horrek etendurak benetan eten dituen edo ez jakitea ezinezkoa zaigu. ARGILAN-ESKn bizi dugun errealitatea da suspentsiodunak etortzen jarraitzen dutela.

 

Ez utzi inori erortzen...

Lanbide oraindik garaiz dago sinesgarri egiteko euskal erakundeek, Urkullu Lehendakariak barne, esan duten esaldi arranditsu hori: "COVID-19aren krisi honetan ez dugu inor atzean utziko". Horretarako, honako hauek betetzera behartuta dago:

  1. DSBE eteteko edo iraungitzeko edozein ebazpen igortzeari uztea, ebazpenaren arrazoia eta izapidetze hasiera unea edozein izanik ere.

  2. Martxoaren 14tik aurrera jakinarazitako etendurak lehengoratzea, eragindako pertsonei DSBE eta EPO atzeraeraginezko izaerarekin berrezarriz.

  3. Lanbidek, ondoren, bidegabeko kobratze prozedurak izapidetu behar baditu, arazo hutsala izango da, biziraupenaren mugan bizi diren pertsonengan eragindako kaltearekin alderatuta, eta DSBE eta EPO gabe geratzeak, konfinamendu garai hauetan, ezinezkoa egiten die bizirauteko beste estrategia batzuk abian jartzea.

 

ARGILAN-ESK

 

Bizitzeko Gutxieneko Diru-sarrerari buruzko gida

Bizitzeko Gutxieneko Diru-sarrerari buruzko gida labur hau prestatu dugu, zure eskura jartzen duguna, sarbidea eta izapideak errazteko. Baliagarria izatea espero Irakurri

Berma dezagun duintasunez bizitzeko eskubidea. Oinarrizko errenta orain!

COVID-19aren pandemiak agerian utzi du erabakitasunez aurrera egin behar dela Oinarrizko Errenta Unibertsala martxan jartzeko bidean, bizitza duinak bermatzeko tresna Irakurri

Bizitzeko Gutxieneko Errenta, galdutako aukera

Bizitzeko Gutxieneko Errenta ez da iritsiko muturreko pobrezia-egoeran dauden pertsona guztiei laguntzera eta gainera pobrezia eta kriminalitatea lotuko ditu. Irakurri

Lanbide gezurti. DSBE eteten jarraitzen du

Lanbidek, azken asteetan, bi gauza iragarri ditu: DSBE eta EPO prestazioen eskaera berriak eta berrekiteak arretaz izapidetzen dituela soilik, eta Irakurri
  • 1
  • 2
  • 3

 

Berri gehiago

44 hildako + 2 desagertu 2020an

lan istripuetan

Afiliazioa sindikatua