ESK sindikatutik beste behin salatu nahi dugu Osakidetzako Emergentzitako Zuzendaritzak bultzatutako kudeaketaren ondorioz euskal herritarrak premiazko arreta medikorik gabe uzten dituela; oraingoan Oñatiko bizi euskarri aurreratuari tokatu zaio. Orain hilabete batzuk gertatu bezala, udalerri horretako ZIU mugikor medikalizatua medikurik gabe dago gaur gauean, eta arriskuan jartzen du eremu horretako premiazko osasun-arreta.

ESK-k Osakidetzako Emergentzietako arduradunei eta Gotzone Sagardui sailburuari eskatzen die herri honetako herritarrei behar bezalako osasun arreta  eman diezaien eta horretarako beharrezko neurriak ezar ditzatela.