Emergentzietako Zuzendaria legebiltzarrera joan da legebiltzarkideen galderei erantzutera, eta berriz ere bere erantzunak manipulatuak, partzialak eta errealitatetik at egon dira.

Emergentzietan eta batez ere zentro koordinatzaileetan bizi den egoera guztiz kaotikoa da. Behar dena baino langile gutxiago ditu zerbitzuak,  medikurik gabeko txandak geroz eta sarriagoak dira, erizainak berriz medikuen lanak egiten ari dira inongo protokolorik ezta babes juridikorik gabe, eta udara gertu dugula egoerak okerrera joko du. Honen ondorioak garbiak dira, bai pazienteak artatzerako garaian baita beraien segurtasunean ere.  Urteetan zehar sortutako arazoez gain, Langraizko ZIU mugikor berrian egutegi ez osoak ezarri nahi dituzte, langileen eskubideak murriztuz.

Noiz arte jarraitu behar da kudeaketa honekin? Nola jarraitu dezakegu horrela lanean Emergentzietako gaixoen segurtasunean ondorio zuzenak izaten?

ESKarentzat guztiz beharrezkoa da Emergentzietako kudeaketaren paradigma guztiz aldatzea, langileriarekin benetako negoziazio bat oinarri izanik, horretarako Emergentzietako Zuzendaritza taldearen dimisioa eskatzen dugu. 

Oscar Aller García - Director gerente Emergentziak