Atzo Osakidetzako EPEen iruzurraren inguruko ikerketa komisioa sortzeko proposamena eztabaidatu eta bozkatu da Legebiltzarrean.
ESKren ustez, berandu dator eztabaida hau. EH bilduk proposamen hau iragarri zuenetik bost hilabete pasatu dira. Bost hilabete hauetan auzia ahalik eta lasterren beste asmorik ez daukaten neurriak hartu dira Darponek zuzentzen duen Sailetik eta Osakidetzako zuzendaritzatik.
Talde parlamentarioen argumentarioa azken bost hilabetetako berbera izan da; beraz, ESK-n ez dugu ulertzen atzerapen honen arrazoia.
Tamalgarri deritzegu gobernuari sustengoa ematen dioten taldeen interbentzioei: EAJ-k eta PSE-k Darponen argudioak errepikatu dituzte puntuz puntu, guztiz onartuta izan den sistema klientelar bati sustengoa emanez.
Aho bete hortz geratu gara PPko Laura Garridoren interbentzioa entzun dugunean. Ikerketa komisio batean errez erantzungo ziren galderak bota ditu airera eta ondoren esan du abstenituko zela komisioa aurrera atera ez zedin, ausardi eskasa erakutsiz.
Bukatzeko Darponen dimisioa , Eusko Jaurlaritzaren etika demokratikoaren falta konprobatu ostean, Fiskaliaren ikerketak ekarriko duela espero dugula esan behar dugu ESK-tik.
Ametsak borrokatuz!