Anestesia, kardiologia eta zirujau baskularren EPE asterketaren errepikapenaren inguruko aginduak argitaratu ziren atzo EHAA-n. Honen aurrean ESK sindikatuak zera adierazi nahi du:
- Neurri hauek oporraldi garaian argitaratu izanak agente sozialen kritikak gutxitzea besterik ez du bilatzen.
- ESK-ren ustez neurri hauek guztiz eznahikoak dira. Ez diete erantzunik ematen salatutako iruzurreei; ematen du, aldiz, zikinkeria alfonbrapean gorde nahi duela Osakidetzak. Epaimahaikideak edo asterketen eredua kuestionatzeko edo aldatzeko borondate ezak argi eta garbi adierazten du ez dagoela iruzur larri hauek konpontzeko asmorik.
- ESK-ren ustez, fiskaliaren ikerketa martxan dagoen bitartean, Osakidetzak ez dauka batere zilegitasunik ikertuta dauden kategorien azterketak errepikatzeko. Fiskaliak gertatu den guztia argitu arte froga batzuen errepikapen hutsa arazo hau presaka eta faltsuki ixtea besterik ez da.
- Beraz, ESK-k zera eskatu eta exijitu nahi dio Osakidetzari: prozesua gelditu dezan Fiskaliaren konklusioak jakin arte. Frogen errepikapen hutsa antzerki bat baino ez da eta ez ditu
bermatzen opositoreen eskubideak.
Honek guztiak erakusten du berriro zer nolako pertsonek kudeatzen duten EAE-ko administrazioa. Beraz, eskatu behar eta nahi diogu Mujika andereari bere dimisioa aurkeztu dezan, eta
Urkullu Lehendakariari bota dezan Darpon Jauna Eusko Jaurlaritzatik.
Ametsak borrokatuz!