Osasun sistema publikoaren desegitea eta pribatizazio planifikatua salatu nahi ditugu.

Gaur, pentsiodunok, Osakidetzako sindikatuok eta beste kolektibo sozial batzuek osasun publikoa, unibertsala, doakoa eta kalitatezkoa izateko dugun eskubidea aldarrikatzen dugu. Osasun sistema publikoaren desegitea eta pribatizazio planifikatua salatu nahi ditugu.

Lehen Mailako Arreta endekatzen uzten ari dira: Artatzeko denbora gutxi eta itxaron-zerrenda onartezinak. Lehen mailako arretak huts eginez gero, Gurutzetako larrialdiak kolapsatu egiten dira.

Narriadura horren ondorioz, aseguru mediko pribatuak ugaritu egiten dira; horiek errezenarekin eta errentagarrienarekin geratzen dira, Osakidetzak konplexua eta garestia dena bere gain hartzen duen bitartean. Gauza bera gertatzen da egoitzetan eta etxeko arretan, non, gainera, prezioak gehiegizkoak izateaz gain, arreta txarra ematen den. Hori guztia gardentasun falta kezkagarriak eta kanpaina mediatiko handiak larriagotu egiten dute.

Sailburuak azpiegitura handiak iragartzen ditu konponbide gisa; baina arazoa haiek artatzeko langile falta da. Lan Eskaintza Publikoek ez dute plaza berririk sortzen; daudenak erregularizatu baizik; hala ere, plantillaren %8 baino gehiago aldi baterakoa da. Gainera, lehen mailako arretako profesionalak ez dira nahikoak Ezkerraldean.

Martinez Sailburuaren esanetan, pribatizazioa %5,6 baino ez da. Baina pribatizatutako zerbitzu osagarrietarako beste 250 milioi (aurrekontuaren % 11) ezkutatu egiten ditu. Osasun Publikoaren kudeaketa zuzenerako gordetako aurrekontu eskasak prebentzio-neurriak hartzea eragozten du, txertoak eta baheketak bertan behera utziz. Halaber, osasunaren mugatzaile sozialetan jardutea eragozten du.

Sailburu Jauna: ez dugu propaganda gehiago behar, ezta titular gehiago ere. Egitateak behar ditugu. Osasun publikoa guztiona da. Eta ez dizuegu lapurtzen utziko.