Urriaren 30ean eta 31n eta azaroaren 3an eta 4an, estatu mailako greba-egunak deitu dira goi-mailako teknikarientzat/osasun-espezialistentzat, estatutu berri baten negoziazioaren esparruan.

Esan bezala, deialdi hau Estatuan egin da, eta elkarte profesionalek eta sindikatu korporatiboek bakarrik hartu dute parte. Gustatuko litzaiguke deialdia pluralagoa izatea eztabaidetan parte hartu ahal izateko.

Gure inguruko herrialdeetan, titulazio horiek unibertsitate-graduak dira, Espainiako estatuan berriz, titulu horiek Lanbide Heziketa bidez eskuratzen dira oraindik. Ezin da salbuespen hori onartu. Salbuespen hori orokorra da kategoria hauetan, eta oso deigarria erradiodiagnostikoko teknikari espezialisten kasuan, Espainiako estatua baita unibertsitate-titulurik ez duen Europako bi herrialdeetako bat.

ESKn uste dugu, halaber, berehala amaitu behar dela On-Line graduen negozioa, ez baitute bermatzen profesionalen

prestakuntza egokia. Negozio modu hori lanbide horien aurkako oztopoa da.

ESKn bat gatoz deialdi honen aldarrikapen nagusiarekin. Uniberstitateko ikasketak izan behar dutela.

ESKren ustez, Estatutuaren eguneratzeak esplizituki jaso behar du Osasun Zerbitzua osatzen ditugun kategoria guztiak, oro har, eta Osakidetzan, bereziki, gaur egun betetzen ditugun eginkizun errealen aitorpena. Funtzio horiek aldatu egin baitira langile guztien ardura-, prestakuntza- eta dedikazio- maila berrien ondorioz.

Lanbide-kategoria guztiak behar bezala ezagutzeak herritarrei ematen diegun osasun-zerbitzuaren kalitatea zuzenean hobetzea ekartzen baitu.