Gozatu gabeko oporrak kontratu bat amaitzen zaigunean gozatu gabe geratzen zaizkigun opor horiek dira. Osakidetzak opor horiei dagokiena ordaintzen digu finikitoa ematerakoan, ezin izan ditugulako hartu. Baita hoiengatik kotizatu ere.

Zuen lan-bizitzari erreparatzen badiozue, “opor ordainduak eta gozatu gabeak” kontzeptuaren hainbat lerro agertuko dira. Bada, zure lan-bizitzan kontzeptu horretan agertzen diren egunen guztizkoa gehitu beharko litzaioke zure Emandako Zerbitzuen zenbaketari, baina Osakidetza ez da hori egiten ari.

Galiziako Osasun Zerbitzuko langile baten demandaren ostean, Auzitegi Gorenak erabaki du hartu gabeko opor ordainduak ZENBATU EGIN BEHAR direla emandako zerbitzutzat, ondorio guztietarako.

ESKtik eskatu dugu epai hau langile guztiei ofizioz aplikatu dadin baina ikusita Osakidetzak ez duela erantzuten, presioa egiteko unea da.

ESK-k erreklamazioen bidez lortu du Getxoko Udalak eta bere udal egoitzak egun hauek emandako zerbitzu bezala onartzea. Orain Osakidetzaren txanda da.

Horregatik, ESKren lokaletatik zuen lan-bizitzaren kopia batekin pasatzera animatzen zaituztegu, eta erreklamazioa nola egin azalduko dizuegu.