Osakidetzako egoera oso kezkagarria da; herritarrei ematen zaien arreta gero eta eskasagoa da, eta gero eta handiagoa  plantillak jasaten duen lan-karga.

Lehen mailako arreta desegite-prozesuan, EAGetako murrizketak, ospitaleko zerbitzuak minimoetan, espezialitate askotan onartezinak diren itxaron-zerrendak eta gero eta nekatuago eta haserretuago dagoen plantilla… Ekaitz perfektuaren osagai guztiak.

Horri gehitzen badiogu lemaren kontrola entzuten ez duten Osasun Sail baten eta Osakidetzako Zuzendaritza baten eskuetan dagoela, inposizioz jokatzea besterik ez dakitenak, etorkizuna gatazka eta borrokari lotuta datorrela iragarri dezakegu.

ESKrentzat, gaur egungo egoerak ikuspegi zabala eskatzen ditu, bazterketarik gabe ahalik eta indar gehien biltzea Osasun Publiko sendo, unibertsal eta demokratikoaren alde, eta Eusko Jaurlaritza Osakidetzaren kudeaketan erabateko aldaketa egitera behartzen duen borroka hastea.

EAJk eta PSEk Osakidetza kudeatzeko duten jarreraren adibide bat mahai sektorialean gertatzen ari dena da. Guztiz blokeatuta dago langileen lan-baldintzak, EPEak, aldi baterako kontratazioa eta abar bezalako gauza garrantzitsuak negoziatzen diren gunea. Osakidetza negoziazioa eragozten ari da.

Egoera horri erantzunez, ESKk mahai sektorialean dauden sindikatuek deitutako kontzentrazioen alde egiten du, eta langileak horietan parte hartzera animatzen ditugu.

Hurrengo mobilizazioetarako, zabalagoak eta sakonagoak, aurrekaria izatea espero dugu eta horretan lan egiten ari gara.